Sep 13, 2015

කො‍ටු පැනපු දස්කොන් සහ රට පැනපු සිමියොන්




http://www.rootsweb.ancestry.com/~lkawgw/daladamaligawa4.jpg
අර කලින් පෝස්ට් එකේ  සිංදු කියපු ගෑල්ලමයා ගැන විස්තරේ  හොයා ගත්තා.එයා ඉන්නෙ නවසීලන්තයෙ, කන්නෙ චෙරි, බෙරි වෙන්ටෑ? කොහොමත් ඔය පිටරට හැදිච්ච අපේ ගෑල්ලමයි ගැන මයෙ පොඩි ගවුරවයක් තියනවා. දැං බලන්න මේ කෙලීට හරියට සිංහල කතාකරන්න බෑ, බොහෝ විට ජීවිතේම ගතකලේ නවසීලන්තෙ වෙන්ටෑ?ඒත් නියමෙට සිංහල සිංදු  කියනවා. කිසිම ඇක්සන්ට් එකක් නෑ, ඔරිජිනල් සිංහල. ඒකටත් එක්ක අපේ සමහර සක්කර වට්ටං?  උපන්දා ඉඳලා ලංකාවෙ හිටලත්, සිංහල "බේ."

සමහර විට නිජබිමෙන් ඈත් වුනාම රටේ සංස්කෘතියෙ, භාෂාවෙ අගේ වැඩියෙන් දැනෙනවද මන්දා? දැං බලාන්ට, ඔය සමහර  පිටරට අය ඉන්නවා නෙව, සිංහල ප්‍රයිවෙට් ටියුෂන් අරගෙන හරි , බරසාර විදිහට ලියන අය, ආන්න ඒ වගේ. මං හිතන්නෙ ඒ අය බැනුම් අහගෙන හරි ඇවිල්ලා ලියන්නෙ ඒ නිසයි කියලයි. මං දැකලා තියනවා,සමහරු කියනවා " යකඩෝ, අපියි මේකෙ ඉන්නෙ, මේ  රටින් පැනපු එකාලට නෙව අමාරුව" කියලා. මට හැ‍ඟෙන විදිහට මේ කතාව අසාධාරණයි. රටින් පිට ජීවත් වුනා කියලා, අපට අපේ  නිජබිම, භාෂාව ගැන ලියන්න, කියන්න තියන අයිතිවාසිකම නැති වෙනවද? පරම්පරා කීපයක් ගියාම නං වෙනස් වෙයි, ඒත් මුල් පරම්පරාවෙ  පිටරට ඉන්න අයගෙ මුල් තාමත් තියෙන්නෙ ලංකාවෙ. දෙවෙනි  පරම්පරාවෙ අයට, ඒ මුල් බොහොම ලේසියෙන්  ගලවල දාලා, ඉන්න රටේ  සංස්කෘතියට අනුගත වෙන්න පුළුවනි. ඒ වගේ අය අතරත්, තමන්ගෙ මුල අමතක නොකරපු අය ගැන මගේ කැමැත්තක් තියනවා කියල කිව්වෙ ඒකයි.

හරි දැං අපි ආයෙ එමුකො සිංදු කියන ගෑල්ලමයට. අහලම බලාන්ටකෝ කොහොමද  කියලා.ආන්න පිංවතුනී, සහජ හැකියාව!.
කටහඬ වගේම තමා, එයත්, එයාගෙ සාරියත්, ගින්දර වගේ. කොල කෑල්ලක් කිට්‍ටු කලොත් පත්තු වෙනවා, ෂුවර්. නෑ, මම මේ කිව්වෙ සාරිය හරි ගණන් ඇති නේද? :)



ලස්සන සිංදුව. සංගීතය කපුගේ ගෙන්. මං කැමතිම, බීම නිසා අපට අහිමි වෙච්ච තවත් කුසලතාපූර්ණ කලාකාරයෙක්. එහෙම කිව්වට, ඔව්වාවල හරි වැරදි කියන්න අමාරුයි. හැමදේම සාපේක්ෂයි.

දැං අපි ගමුකො ගස්කොන්වම. හොඳ කලාකාරයෙක්, කො‍ටු පනින්න ගිහිල්ලා මාට්‍ටු වෙලා මලා. අපි ඔව්වාවල හරි, වැරදි කියන්න ගිහිල්ලා " කො‍ටු පැන්නෙ මම, බෙල්ල ගියෙ මගෙ, ඇයි උඹට අවුල්ද?" කියල ඇහැව්වොත් මලා නේද?

මතභේදයට තුඩුදීපු, මේ ඓතිහාසික ප්‍රේම වෘතාන්තය  අවසාන වුනේ ශෝකාන්තයකින්. මේක උඩරට රදළයින්ගෙ දේශපාලන කුමන්ත්‍රණයක් කියලත් මතයක් තියනවා. දස්කොන් මරණයට කැපවෙලා, සිරකරල ඉන්දෙද්දි ලියපු "නෝක්කාඩුමාලය" කියන කවිපොත රජතුමාට  ලැබුණෙ, ගස්කොන්ගෙ හිසගසා දැමිමෙන් පස්සෙ බවත්, ඒ  ගැන උරණ වු රජතුමා, එයට වගකිවයුතු විහාරස්ථානයක භික්ෂූන්ට දඬුවම් කල බවත් කියැවෙනවා.

කෙසේ නමුත්, නිර්මාණකරුවන්ගේ නිරන්තර අවධානයට හසුවන මේ අපූරු පෙම් පුවත නිසා අපට රස විඳින්න ලැබෙන කලා නිර්මාණ වලින් අදටත් හිඟයක් නම් නෑ.

 උපන් ලප ගැන තැන, තැන කියවීම , මාරන්තික/සියදිවි නසා ගැනීමක් හා සමාන දෙයක් බව  එදා වගේම , අදත් ඔප්පු වෙලා තියනවා. 

"In Finnish culture, the owl has been considered a stupid animal, probably due to its wide-open eyes. The word pöllö means both "owl" and "idiot", and silmät pöllöllään "eyes owl-y" means "disoriented, dazed"
ඔහොම කිව්වෙ, මං දන්න කියන, මැංටල් ගොලුබෙල්ලෙක්. ඒ වගේම ගොලුබෙල්ලො පවා ගෑල්ලමයින්ට බය බව ගවුරව කරන බව මෙන්න මේකෙන් පේනවා. දැන් බලාගෙන ගියාම nincompoop මමද, කට ‍රැකගන්න බැරිවෙච්ච ගස්කොන්ල ද ,නැත්නම් මැංටල් ගොලු බෙල්ල ද කියන එක නං සාධාරණ ප්‍රශ්ණයක්.:)

පිදුම: පිටරට ඉන්නා අපේ  ගෑල්ලමයින්ට සහ මැංටල් ගොලු බෙල්ලන්ට

20 comments :

  1. පිටරට ඉන්න ගෑනු ලමයි ගැන බස්සට සෑහෙන දුකක් නෑ... නෑ... කරුනාවක් පහල වෙලා බව පේනවා. :P

    ReplyDelete
    Replies
    1. වයින් බීල ඉන්නෙ, දැං නං උත්තර දෙන්න බෑ . වෙරි ගහෙන් බැස්සාම උත්තර දෙඤ්ඤං :)

      Delete
  2. ශානිකා සෝමතිලක සහ එයාගේ සහෝදරියක් ඉන්නවා , යූ බටේ සෑහෙන්න තියෙනවා එයාගේ සිංදු. ඉන්නේ බැස්සා ඉන්න තැන හොයාගන්න ඕන කිව්වම මම හිතුවේ විහිලුවට කියනවා කියලා, මම හිතන්නේ ලංකාවේ කස්ටිය නම් ඔය ගාල්ලමයාගේ විස්තර ඔක්කොම දන්නවා .... (මේ මං ඇර ;) )

    ReplyDelete
    Replies
    1. නෑ, මං ඇත්තටමයි කිව්වෙ. කලින් දැනගෙන හිටියෙ නෑ. කටහඬ අහපු ගමන් බැලුවෙ" කව්ද බොලේ මේ ඇලිස්?" කියලා. මං ඉතිං කොහොමත් කියුරියස් බස්ස නෙව? :)

      ඉන්නෙ අපේ සාවියෙ?? ඇයි මේ දිවුල්ගනේ කියන්නෙ, ඉන්නෙ නවසීලන්තෙ කියලා ?
      නවසීලන්තෙ බස්සොත් ඉන්නවද? :o

      Delete
    2. හුටා කොමෙන්ටුවේ කෑල්ලක් හැලිලා නෙව, //"ඉන්නේ නවසීලන්තේ ,බස්සා ඉන්න තැන හොයාගන්න ........................."// කියලා එන්න ඕන එතනට , උඹ මගේ කමෙන්ටුව බාගෙට පබිලිස් කොරලානේ ;)

      Delete
    3. ආ, ඒක මිසක්කා. අර කෑල්ල හැලිලා තියෙන්නෙ ඉන්ටනෙට් සුපර් හයිවේ එකේදි. ඩිෆෙන්ඩර් එකක් වෙට්‍ටුවක් දැම්මා වත්දෑ? :)

      Delete
  3. Replies
    1. ස්තූතියි කුරු‍ටු ලමයි.

      Delete
  4. Nincompoop ගැන නොදනිමි.
    මෙහෙම එකක්නම් දැක්කා http://www.someecards.com/news/natures-jerks/this-owl-pooping-on-his-friend-and-running-away-is-all-i-ever-wanted-from-a-web-video/

    https://www.youtube.com/watch?v=Sai35sgpRYI

    ReplyDelete
    Replies
    1. මැංටලි රිටාඩඩ් ගොලුබෙල්ලො විතරක් නෙමෙයි බස්සන්ගේ බසු යාලුවොත් පරිස්සන් වෙන්න ඕන ජාතියෙ winged wonder එකක් තමයි බසුන්නාන්සෙ

      Delete
    2. තරහා අවසර . ඔය ඉඳලා හිටලා ගොලුබෙල්ලෙක්ව බයිට් එකට ගත්තට, මං අහිංසක පක්සියා ආයිබෝවන්ඩ :)

      Delete
  5. You should try the cover rana hansa yuwala by Shanika Somathilake. Don't like her singing much though.
    Quite smitten aren't you buss? . Leave the tree by the wall sometimes and try your luck at NZ. Call on the nincompoop on your way. :P.
    You know they made lord of the rings there. Maybe you and the songbird can move in to a tree by the shadow of Mordor :)

    ReplyDelete
    Replies
    1. Seems, she is quite popular over there, right?
      Mordor? No, thanks, that's the land of shadows :)

      Delete
  6. ඒ ගමන උඹත් ගෑල්ලමයි ගැන් හොයන්න ගත්තද? මේ දවස් වල බුකියේ නම් නැගලම යන වැඩක් ඕක..

    ReplyDelete
    Replies
    1. අපොයි එහෙමටම හෙව්වෙ නෑ. විචිකිච්චාවට ඉන්නෙ කොහෙද කියල බැලුව විතරමයි. ඉංග්‍රිසි ආභරණයක්/ ආයුධයක් ලෙස පාවිච්චි කරන, සිංහල පහත්කොට සලකන, අපේම පැලැන්තියක් කොළඹ හතේ ඉන්න කොට, මෙය අගය කලයුතු දෙයක් ලෙස දැක්කා , එච්චරයි.

      හොඳ වෙලාවට මං බුකියට නොයන්නෙ :)

      Delete
  7. බෂ්ශන්ට මොකටද කෙල්ලන්ගේ වගතුග හිටං.ඔය "දස්කොන්"පොර ගැන කියවෙනවා මෝහන්ගේ "ලොවිනා"පොතෙත්.
    අද කොටු පැන්නනම් දස්කොන්ට දෙන්නේ පොරෝ පාර. :D

    ReplyDelete
    Replies
    1. මං දන්න දක්ෂ-කොන් සැට් එකක් ඉන්නවා. ඔය යස අගේට පනින්නෙ කො‍ටු. පනින එකා කො‍ටුත් පැනලා, තාච්චිත් පනිනවා :)

      Delete

ඔබට කමෙන්ට් ලෙස පිංතූරයක්/ ලින්ක් එකක් / වෙබ් පි‍ටුවක් දැමීමට අවශ්‍ය නම් පහත කෝඩ් එක කොපිකර ගන්න.
link to the code