Jun 29, 2011

මෙලෝ රහක් නැති බස්සෙකුගේ ගීතය....

කන්ද උඩින් අටවක සඳ හිනා වෙනව මෝදුවෙන්ඩ…
රෑන් පිටින් පාත්තයන් පියාඹනව කූඩුවෙන්ඩ…
අඬති ළමා සුපැටියෝ උණුහුමකට ගාල්වෙන්ඩ…
එන්ඩ පිළට සැනසිල්ලේ ඇහැ ඩිංගක් පියාගන්ඩ..


මිඳුල පුරා රැස් මාලා අටවක දා හීන් හ‍‍ඳේ…

බැඳුම් සුවඳ සෙමින්,සෙමින් පැතිරෙනවා මුළුතැන්ගේ…
ගොපළුන් පිඹින නළාවේ
සුමිහිරි සත්සර පාවේ...

පිදුරු පියස්සේ තැවරෙන කළාමැදිරි කාන්තියේ…
නිවී පහන්වී දුරු වෙයි සෝක තැවුල් කාන්සියේ…
හිම කැට මිදෙන හීතලේ
හීතළ නොමැත රෑ පැලේ…


ප.ලි: හිම කැට මිදෙන හීතලේ..,හීතළ නොමැත රෑ පැලේ. හෙහ්..හෙහ්..[][], [][] 

                      

Jun 26, 2011

උතුරුකුරු දිවයින

http://www.loughboroughinn.on.ca/images/Attractions/1000-islands.jpg
අහලා තියනවා නෙව ආලකමන්දාව ගැන. ඔය කයි , සිංදු වල කියවෙන්නෙ. ආලකමන්දාව කියන්නෙ බොදු සාහිත්‍යයේ එන උතුරුකුරු දිවයිනේ අග නුවරයි.උතුරු කුරු දිවයින ඉතා දැකුම්කලු ය. මෙහි අධිපති වෛශ්‍රවණ නම් කෙනෙකි. ඔහු යක්‍ෂයෙක් පමණක් නොව යක්‍ෂාධිපතිවරයෙකි. මෙහි අමුතු ජනතාවක් සිටිති. මිනිස්සු ද යක්කු ද සිටිති. මහාමේරු පර්වතයට උතුරු දිශාවෙහි පිහිටා ඇති මෙහි, මමත්වය නැති, ස්ත්‍රීන් කෙරෙහි පිළිගැන්මක් නැති මිනිස්සු උපදිති(හෙහ්..හෙහ්..)

Jun 24, 2011

හුටා!..පැටලුනා..නොහොත් Tangled


http://upload.wikimedia.org/
wikipedia/en/a/a8/Tangled_poster.jpg
මේ අපි පොඩිකාලේ අහල තියෙන සුරංගනා කතාවක්. අර එක්ටැම් ගෙයක හිටිය කොන්ඩෙ දිග කෙල්ලගෙයි, කුමාරයගෙයි කතාව. හැබැයි, මේකෙදි චරිත පොඩ්ඩක් මාරු කරලා. ඉන්නෙ, කවදාවත් පොලවෙ පය නොගහපු කුමාරියක්( ඔය කුමාරිල, එහෙමමනෙ!) සහ දුප්පත් කොලුවෙක්. කොලුව පස්සෙ පන්නනවා රහස් පරීක්ෂකයෙක් අස්සයෙක්.


අනික් හැම කතාවකම වෙගේ මේකෙත් කොලුව පැටලෙනවා, හැබැයි පැටලෙන්නෙ කොන්ඩෙ.කුමාරිගෙ සපෝට් එකට ලඟින්ම  ඉන්නෙ උරුලෑවෙක් ක‍ටුස්සෙක් , මං හිතන්නෙ ක‍ටුස්සියෙක් , උන්දැගෙ වැඩේම අර අසරණයට කෙලවන්න කුමාරිට උපදෙස් දෙන එකමයි. 


ඔව්, ඔව් කුමාරිගෙ අතේ තියෙන්නෙ සාස් පානක් තමා. එයත් කෑම රොස් කරනව ඇති, ඔය පරිප්පු එහෙම.වරද්දගන්න එපා, මේක භයානක ආයුධයක්, එකක් කෑවොත්, සක බ්ලාස්.."ටෝං පටෝං."


        He just pick the wrong princess to mess with.......

බලාන්ටෝ....ලස්සන කතාවක්

       

Jun 22, 2011

අත්තෝ ජටා, බහී ජටා


මේ දවස්වල බස්සට හරි ප්‍රශ්නයක්. ඔහෙලා දන්නවානෙ, අපි බස්සො ඔක්කොම එක පෙනුමයි කියලා. මගේ පස්සෙන් රහස් පරික්ෂකයෙක් පන්නනවා. මට කියනවා, ඔහේ මේ වෙලාවෙ,ලිඳ ලඟ කුඹුක් ගහේ මොකද කලේ? කියලා. මං කිව්වා, ඒ මම නෙමෙයි වෙන බස්සෙක් කියලා. එතකොට කියපි, "හුහ්, හිතුවද මාව තම්බන්න, ඒ ඔහෙම තමා, අර වෙන බෙනේකට රිංගනවා මං දැක්කෙ නෑ කියලද, හිතන්නෙ " කියලා. ඒ මදිවට උන්දෑ ගිහින් අර "වෙන" බස්සට සත්තමකුත් දාලා..හී..හී.
අපොයි, ඒ අසරණයා හිතන්න ඇති" බුදු අම්මෝ, කොහෙන්ද බොල, මේ හෙන ගෙඩිය පාත් වුනේ? වැස්සෙවත් නැතුව" කියලා..


මං මේ දවස්වල හොඳ නමක් හොයනවා, මාරුකර ගන්න. වාසගම නැති වුනත් අඬු සැට් එක බේරගන්න එපැයි. මෙන්න මගේ ඔලුවට ආපු නං:

හිකනලා
හෝතම්ඹුවා
උගුඩුවා
කොට්ටෝරුවා

ඔහෙලත් ඔය නමක් දෙකක් යෝජනා කලා නං?
 

Steve Jobs

I'm not going to tell you, who Steve Jobs is ;neither saying he is perfect, as he has a "reputation" as a ruthless boss. But certainly, I admire him; and, if you listen to him, you'll find out why.

                 

Jun 21, 2011

ආදරය සුන්දර වරදකි....

ආදරය සුන්දර වරදකී 
කිසිදා සමාවක් නම් නැතී
මට පෙන්නලා ආලේ හැටී
උඹ දුන්න දුක හොදටම ඇත....



           

                 

සමහරු කියනවා ආදරේ කියන්නෙ, ලෝකෙ මිහිරිම දේ කියලා. මං නං කියන්නෙ ආදරේ කියන්නෙ,වේදනාවක් කියලා -මිහිරි වේදනාවක්.

මං මේ සිංදුවට කැමති, මං ඉපදුනේ නොවැම්බර් මාසෙ සීතල ‍රැයක නිසාද, නැත්නම් මේකෙ කියවෙන ආදරේ මිහිරි වේදනාව හින්දද කියල මං දන්නෙ නෑ


When I look into your eyes
I can see a love restrained
But darlin' when I hold you
Don't you know I feel the same
 'Coz nothin' lasts forever
And we both know hearts can change
And it's hard to hold a candle
In the cold November rain.....

Everybody needs some time...on their own
Don't you know you need some time...all alone
 
And when your fears subside, and shadows still remain
I know that you can love me, when there's no one left to blame
So never mind the darkness, we still can find a way
'Coz nothin' lasts forever, even the cold November rain
 



               

Jun 20, 2011

මාලුම් නහී......

දේශ් රංගීලා කියන්නෙ ලෝකෙ තියෙන හොඳම සිංදුවයි කියල හිතාගෙන ඒක කිය කිය, නැට්ට උඩතියාගෙන ගෙවල් ඇතුලෙ දුවන අයට නොතේරුනාට, රාජ් කපූර්- නර්ගීස් කියන්නෙ හින්දි සිනමාවෙ අමරණීය පෙම් යුවලක් තමා. සමහරවිට රාජ් කපූර්ගෙ චරිතය Charlie Chaplinගෙ  The Tramp නොහොත් Happy Hooligan කියන චරිතයෙන් ආභාශය ලැබුවක් වෙන්න ඇති. නමුත් Shree 420 , ආවාරා වගේ චිත්‍රපට වල සිංදු ටික ඇහුවාමම බඩ පිරෙන්නෙ නැත්ද? වැස්සක තියෙන චමත්කාරය කොච්චර අපූරුවට මේකෙ පිළිබිඹුකරල තියනවද බලන්නකො.

                   
                


හරී.. කපූර් ගොයියා නර්ගීස් එක්කයි, වයිජන්තිමාල එක්කයි හොර කො‍ටු පැන්නමයි කියමුකො. ඒක ඒ ගොයියගෙ වැරද්දම නෙමෙයි. දැං බලාන්ට, ඔය ඉන්දියන් කස්ටිය ශිව දෙයියගෙ මෙව්වා එක කිරි වලින් නාවලා, මල් මාල දාලා වැඳගෙන ඉන්න පොඩි කාලෙ ඉඳලම පුරුදු කරවපු අය නොවැ.


ඒක ඇරිච්චාවෙකො, මට මේ සිංදුව " මාලුම් නහී" නෙ. දන්න පිංවතෙක් ඉන්නවා නං ,තේරිම දානවද?

Jun 18, 2011

තවත් එක්තරා ප්‍රේම කතාවක්..


සමහරු කියනවා මේ දෙන්නා, හින්දි සිනමාවෙ අමරණීය පෙම් යුවල කියල. මේ සිංදුව ඇහැව්වාම ඒක බොරුයි කියල කියන්න බෑ. ඇත්ත නැත්ත කෙසේ වෙතන් මෙතන තවත් එක්තරා අසම්මත ප්‍රේම කතාවකුත් තිබ්බා කියලත් කියනවා. මං වැඩේ ඉතිං අනුන්ගෙ දේවලට හොට ඔබන එකනෙ, ඒකයි ඒ කතාව කිව්වෙ. මොනව උනත් ලස්සන සිංදුව...

            

Sleep Song

As you know, we owls sleeps during the day,  when rest of the whole world is  busy to start a new day. It is not a easy task, always; unless, you are dead tired. There are  many sounds and disturbances to poor day sleepers, and I too had my fair share in many a times.


This song is called "Sleep Song" and it is not very difficult to understand why. I present this to  all my fellow owls and other creatures of night....


                  

පුදුමයි...නුඹ වාගේ,මට ඉන්න බැරි හැටි.....

මං මේ සිංදුව මුලින්ම ඇහුවෙ ලංකාවෙදි. ජීවිතේ එක්තරා අඳුරු කාල සීමාවක, බිඳිච්ච හදවතක කෑලි අහුලන කොට, මගේ ලඟින්ම හිටපු මිතුරියක් මටත් හිටියා. කාටවත්වත් කියාගන්න බැරිවුන හිතේ හිරවෙච්චි දේවල් සාවධානව අහගෙන ඉන්නත්, මට මී හරකෙකුට වගේ බණින්නත් ඈ කිසිම වෙලාවක පසුබට උනේ නෑ. දවසක් එයා මේ සිංදුව මුමුන, මුමුන හිටියා. අපි අතරේ ඉතාමත් කිට්‍ටු යාළුකමක් ඇරෙන්න වෙන දෙයක් තිබ්බා කියලා මං හිතන්නෙ නෑ. ඒත් එක්කම, මගේ සහොදරී කල් ඇතුවම අනතුරු හැඟවීමකුත් නිකුත් කරලා තිබ්බා. ඒත් මං ලංකාවෙන් එන දවසෙ එයා මාව බලන්න ආවෙ නෑ. මං  කෝල් කලාම, මට ඇහුනේ ඇගේ ඇඬුම්බර කටහඬයි. හොඳම යාළුවෙක් යන්න යන කොට, කොහොමත් ඔය බවලත් උදවිය ටැප් එක අරින එක සිරිතක්නෙ.

පුදුමෙ කියන්නෙ,කාලෙකට පස්සෙ ආයිත් මේ සිංදුව ඇහුවාම මට මතක් වෙන්නෙ එයාව. 


උන්දෑ නං නියම රතිඤ්ඤා කරලක්.....


                           

Jun 16, 2011

I'm Your Hero

ඕං මේ ඊයෙ පෙරේදා, බස්සගෙ හුටපටේ ගැන සිරා කතාවක් දැම්මා නෙව. ඔය කතාවෙදි කියවුනා " අපි මෙහෙම දැනට යන විදිහට ගිහිල්ලා, ඉස්සරහදි 'ෆයිට්' එකක් දෙමු" කියලා. බස්සා බොහොම සාමකාමී සත්ත්වයා නෙව. දෙයියනේ කියලා රස්සාව කරගෙන, වයින් පාරක් දාගෙන හිටියට, ඔය "ෆයිට්" වලට කැමති පක්ෂියෙක් නෙවෙයි.

මේක මේ බස්සා කාලෙකට ඉස්සර බලපු දමිල ‍ෆිල්ම් එකක සිංදුවක්. දන්නවනෙ, ඉතිං ඒ ‍ෆිල්ම්, අර ෆයිට් හතයි, සිංදු හතයි, මල් හතයි ජාතිය. මයෙ හිතේ, මේකෙ පොරත් කියන්නෙ " අපි ඔහොම කරගෙන ගිහිල්ලා, ඉස්සරහදි 'ෆයිට්' එකක් දෙමු" කියලා වෙන්ටෑ.

එහෙම කියපු වීරයාට, අර නොන්ඩි ගහ, ගහ ආපු මාමණ්ඩියා දෙනව නේද " දෝයි" ගාලා පොලු පාරක් හතර ගාතෙ දාලා වැටෙන්න.

අනේ,...........මට නං ෆයිට් බෑ. මං දුවනෝ...


                      

Jun 15, 2011

Fragile

On and on the rain will fall
Like tears from a star like tears from a star
On and on the rain will say
How fragile we are how fragile we are..


Tomorrow's rain will wash the stains away
But something in our minds will always stay



                         

Jun 14, 2011

Redneck Woman

There is a whole sub-culture grew-up around Walmart  and trailer parks - the rednecks. They are working class, not so educated, whites in north America, who belong to lower middle class. There are tons of jokes about them on the net, too.


I don't like rednecks, they are generally racist. Perhaps, it is not fair to stereotype them, as there may be something to learn from them, after all. And, I like this song, simply because of the free spirit and the independence, it shows. 




                 

Jun 13, 2011

Home..Sweet Home

There is a reason why they call it   "Sweet Home ." So, what exactly, makes a home "Sweet Home?". I'm sure it  takes just more than a roof and walls. Do you think, a sweet home is something own by the rich? listen to this , and you be the judge.




I believe, we can learn a lot just by looking around us, and listening to other people. Just think, what we have, which we take as granted, yet wanting more and make our lives miserable. In contrast, they don't have any luxury, but enjoy the little what they have.


So, what went wrong. why can't we be happy with what we have right now. Or, do we need to take a  leap of faith to re-discover ourself?


                


                              
Jonas Bendiksen is a  photo journalist represented by Magnum Photos. You can find his work at the following address:


http://www.theplaceswelive.com

Jun 10, 2011

අපෙ හැඟුම්වලට ඉඩදී මොහොතක්......





අපෙ හැඟුම්වලට ඉඩදී මොහොතක්
ඉඩ ලබාගනිමු තරමින් වියතක්
හඳපානේ මඳ අඳූරේ
අත්පටලා යමු ආයේ

ඔබ ඔබෙ හෙවණැල්ලෙන් මිදී
මම මගෙ හෙවණැල්ලෙන් මිදී
අවුදින් හෙමින් රහසින් මුමුණා
හඳපානේ මඳ අඳූරේ

හිරකර හසරැල්ලෙන් හැඬුම්
අපි හිනැහෙමු සපුරා පැතුම්
මතු ආත්මයේ හමුවෙන පැතුමින්
යමු වෙන්වී හිමිදිරියේ
හඳපානේ මඳ අඳූරේ
අත්පටලා යමු ආයේ

- වික්ටර් රත්නායක


               

Jun 8, 2011

සඳ පහන් ‍රැයක ඇවිදින්..


මේ දවස්වල කණ පැලෙන්න රස්නෙ. බස්සා වැඩ කරන්නෙ, අයිස් වතුර බිබී තමා. ඕං ඔහොම රස්නෙ වෙලාවක ටිකක් හුලං වදින්න වැඩකරන තැනින් එලියට ආපු වෙලාවක, බස්සා දැක්කා ලස්සනට හඳ පායලා තියනවා. අනේ ඉතිං මේ හඳමනෙ බැස්සිටත් පායන්නෙ. බැස්සිනං මේ වෙලාවට හතරගාතෙ දාලා සමනලියක් වගේ බුදි ඇති කියලා ඌට හිතුනා. පූරුවෙ කරුමෙට එකට ඉන්න වාසනාව නැති උනත්, ඒ ගැන හීන දකින්න, ඒක බාධාවක් උනේ නෑ. මෙන්න ඌට හිතුන හැටි:


සඳ පහන් ‍රැයක ඇවිදින්..


                                       



Esto es para ti, mi amor                                                                                                        
Madu mala lesa MP3 Download

Poker Face



ජීවිතේ කියන්නෙ සරල රේඛාවක් නෙමෙයි. ඕනැම කෙනෙක්ගෙ ජීවිතේ හොඳ, නරක කාල තියනවා. එක්තරා කාලයක බස්සත් වැටිලා හොම්බෙන් යනකොට ඌ නිතරම අහපු සිංදුවක් තමා මේ.

 
ජීවිතයක් එක්තරා සූදුවක්. ඒකයි මේ සිංදුවෙන් කියන දේ අපට අදාල වෙන්නෙ. සමහර වෙලාවට බය, සැක අත්හැරලා අපිටත් risk ගන්න වෙනවා (look, who is talking..hee.hee!). මේකෙ කියනවා වගේ "every hand is a winner,every hand is a looser" නැත්නම් "every dark cloud has a silver lining" කියලා හිතන එකයි තියෙන්නෙ. නැත්නම් " හැම කන්දකටම පස්සෙ පල්ලමක් තියනවා" කියල හිතමුකො.


pokerface කියන්නෙ කිසිම හැඟීමක් පිලිඹිඹු නොකරන මුහුණක්. සූදුවකදි පුරුදු කාරයො මේ මූණ දාගන්නවා,මොකද නැත්නම් අනිත් අයට තමන්ගෙ අත වාසිද, අවාසිද කියල හිතන්න පුළුවන් නිසා. සිංදුවෙ
"Son, I've made a life
Out of readin' people's faces
Knowin' what the cards were
By the way they held their eyes" කියන්නෙ ඒකයි.

එහෙනං රාළේ, අවශ්‍ය වෙලාවට pokerface දාගන්න අමතක කරන්න එපා....
  
                                                         

La Isala Bonita


 

La Isala Bonita කියන්නෙ ලස්සන දිවයින කියන එකට. මගේ La Isala Bonita තමා අර කඳුලු බිංදුවක හැඩේ රට. මගේ සුන්දර ලමාකාලෙ මතකයන් සේරම තියන්නෙ එහෙ.
 

ලේ, දොලේ පැනලා නාපු අපට කවදාවත් "swimming class'" යන්න ඕනෙ උනේ නෑ.කවදාහරි ඉගෙන ගෙන ඉහල යන්න ඕනෙ කියන අදහස බස්සට ඉස්සෙල්ලම පහල උනේ, පාලුවත්තෙ හොර කුරුම්බා කඩන්න ගස් නගින කොටයි. ඒ වගේම ඉහල ගියොත් පහල එන්න ඕනෙ කියන සිද්ධාන්තය තේරුං ගියේ ආයෙ ගහ දිගේ පහලට රූටන කොටයි. ගමේ පරිසරය -ලඳු කැලෑ, වෙල් ඉපනැලි, ඇල-දොල, මේ කොයිවත් එක්කත් බස්සගෙ සමීප සම්බන්ධතාවයක් තිබ්බා. බස්සගෙ ගැන්සිය එනවා දකින කොටම එහේ හිටි කුරුලු රෑන් මරහඬ තලාගෙන පියෑඹුවෙ ඒකනෙ. ගඟ අද්දර වගුරු බිමේ හැදෙන "කිරල" කියන්නෙ හරිම රස පළතුරක්, ඒත් එව්වා කඩන්න සෑගෙන ගේමක් දෙන්න ඕනෙ. "කිරල" කිරි හදාගත්තාම , ඒකෙ රසත් , සුවඳත් ඒ මහන්සිය අමතක කරවනවා.

ඊට පස්සෙ කාලෙක, බස්ස ගැන්සි බැසීම අත්හැරලා පාඩම් වැඩවලට බැස්සා. බස්සගෙ අම්මා ඒකට කිව්වෙ" මයෙ, අතේ වැරෙන් තමා, මේකව මේ තත්ත්වෙට ගෙනාවෙ" කියලයි. බස්සා හිටියෙ ගමක නිසා ඌගෙ අම්මාට "කෝ‍ටු" වලින් කිසිම හිඟයක් තිබුනෙ නෑ. බස්සා පොත් කියවන්න පුරුදු වුනේ ඒ කාලෙ. කාලයක් ඌ මහජන පුස්තකාලෙ පදිංචිවෙලා හිටියා. ඌට ඒකාලෙ ඕනා වුනේ ලොකු උනාම පුස්තකාලෙක රස්සාවක් කරන්නයි. එක දවසක් ඉංග්‍රිසි මැගසින් එකක දැක්ක හිම කඳු, කේතුධර වනාන්තර ( සහ අර ලස්සන බෝනික්කො වගේ සුදු කෙල්ලොත්.හී..හී) දැකලා තමයි, බස්සට ඉස්සෙල්ලාම පිටරටකට ආස හිතුනෙ. වැඩේ කියන්නෙ, අපිට හැමදාම ඕනෙ අපට නැති දේවල් මයි. දැං ඌ හීන බලන්නෙ, ගමේ සුන්දරත්වය, " කිරල" , හැලප සහ ලැවරියා ගැන නෙව.

 ඔන්න ඊට පස්සෙ ආවෙ අෂ්ඨලෝක ධර්මෙ අනුව බස්සටත් මනමාල විසේ ගහපු කාලෙ. මේ කාලෙ බස්සා බයිසිකල් පදිනවා. දවසක් ඔහොම ගමේ පාරක පැදගන යනකොට ඌට හම්බු උනා උදේම නාලා කොණ්ඩෙ කඩා දාලා එන ලස්සන කෙලි පොඩිත්තියක්. බස්සත් රබර් ඇහැ දාලා බැලුව , කව්ද බොලේ මේ ඇලිස් කියලා..කෙල්ලත් දාපි නේද අර කෝපි මල් හිනාවක්. බස්සගෙ හඳුන් පොත හිට්ටා. කෙල්ලත් හැරි හැරි බල බල යනවා, බස්සත් යන ගමන පැත්තක තියලා කෙලී පස්සෙන් යනවා. කෙල්ල ගෙදරකට ගියා. හුටා, පාර ඉවර වුනා එයාලගෙ මිදුලෙන්. හරවගෙන එන්නත් වෙලාවක් නෑ, ගෙදර කව්ද බස්සා ලඟට ආපි. බස්සට ගණදෙවි නුවණ පහල වුනා. ලඟ ඉන්න යාළුවෙක්ගෙ නමක් කියලා,ඌ කිව්වා ඒ ගෙදර හොයනවා කියලා. කෙල්ල ගෙදර ඇතුලෙ හිටන් ජනේලෙන් බල, බල හිනා වෙනවා. මයෙ හිතේ ඒකි බස්සව කඩේ ඇරියා.අර ආපු හොඳ මනුස්සයා බස්සව එක්කගෙන ගිහිල්ලා පාරත් පෙන්නුවා.

ඕං ඔහොමයි, කෙල්ලෙක් ඉස්සෙල්ලාම බස්සව කඩේ ඇරියෙ.


                         

Jun 4, 2011

It's a Love Story.. Baby Just Say Yes

I got tired of waiting
Wondering if you were ever coming around
My faith in you is fading
When I met you on the outskirts of town, and I said


Romeo save me I've been feeling so alone
I keep waiting for you but you never come
Is this in my head? I don't know what to think
He knelt to the ground and pulled out a ring


And said, marry me Juliet
You'll never have to be alone
I love you and that's all I really know
I talked to your dad, go pick out a white dress
It's a love story baby just say yes









ලස්සනයි නේද? ඔව්, ඔව් "  baby just say, yes" උන්දැ නං කියයි. හුහ්.හිතන්නෙ ඊලඟට " ඉන්පසු සියල්ලෝම සතුටින් ජීවත් විය" කියල නේද? සමාවෙන්ටෝන , ඔය පාට කන්නාඩිය ගලෝල වටපිට ටිකක් බැලුව නං. මං ආයෙ කියන්නෙ මොකටද ,බින්න , දීග විතරක් නෙමෙයි "එක ගෙයි කෑම" ගැනත් මේං මෙතන අපූරු විස්තරයක් තියනවා:


http://www.silumina.lk/2011/01/16/_art.asp?fn=af1101168


මට මොකක්ද හිතෙන්නෙ ඇහැව්වා? වෙන මොනවද, මේ ඉස්සර කාලේ බින්න බැහැපු බකමූනෙක් කියලා තියෙන්නෙ:


”අප්පගෙ පෙරැත්තේ බැරුවා නිසාවට
බින්න මඟුලකට බහදී මෙමා හට
අප්පා ලෙසට උන් අඹුවට එදා සිට
උපන් ගමට යාමට දැන් සිතෙයි මට”


මේ හැමෝම හිතාගෙන ඉන්නෙ, මං සල්ලි කාරයොත් එක්ක තරහයි කියලා. මං මොකටද අනුන්ගෙ පිනට තරහා වෙන්නෙ. හැබයි, මට සල්ලි කාරයෙක් වෙන්න කැමති නෑ, මොකද මං විස්වාස කරන දෙයක් තමා, එයාල නොදැනුවත්ව හරි ලෝකෙ තියන සීමිත සම්පත් වලින් " සිංහයාගේ පංගුව" ඇදලා අරිනවා කියන එක. දැං සමහරු කියයි , අනේ අපි නං එහෙම නෑ, මං නං හරිම "සිම්පල්" කියලා. පුරස්නෙ, එක්කෙනක් ගෙ "සිම්පල්" තව කෙනෙක්ගෙ " කැපිටල්" වෙන එකයි. එහෙම කීවාට සල්ලි වල වටිනාකම මං නොදන්නවා නොවේ. හැම දේටම මිලක් තියෙන මේ රටේ දි මං ඉගෙන ගත්ත පාඩමක් තමා ඒක. සතුට සල්ලි වලට ගන්න බෑ, හැබයි සල්ලි නැති නං සදා දුක තමා. මට හිතෙන්නෙ, මේකට උත්තරේ තියෙන්නෙ අපේ හිතේ කියලයි. ඒකට අපි, අපිවම සොයා ගත යුතුයි. මං නං තාම මාව හොයනවා, හම්බ වෙච්චි දාක, කියඤ්ඤං...  

Jun 3, 2011

මචං




පුංචි කාලෙ මං හැදුනේ පුංචි ගමක මචං
ඉස්කෝලෙදි වැඩි දෙනෙක්ම කිව්වෙත් මට මචං
නම අමතක යාළුවොන්ට කියන්නෙ අපි මචං
හත් වලාමේ, බැස්සිත් මට දැං කියන්නෙ මචං



පනින්ට පෙර සිතා බලනු කිව්ව නේද මචං
"ටයිම් අවුට්" එකක් ගත්තෙ ඒක නිසයි මචං
කුඩම්මගේ සැලකිලි නෙව දැං ලැබෙන්නෙ මචං
ඉඳල හිටල උම්ම එකක් වත් දීපං........ මචං
 


Lemons and Lemonade

නපුරු කලට සත හට පැමිණෙත වෙහෙස
එදුරු නොවෙයි කළ පවු පල දෙවා මිස
තඹුරු වනය මුකුලිත වන බව සවස
කවුරු විසින් වැළකිය හැකි මෙ දිය කුස

- සුභාෂිතය -

when life gives you lemons make lemonade! 




Jun 1, 2011

ඕලු කැලේ...හිටපු බඹරු, නහය විදපි ඉදිමෙනතුරු...



සමහර වෙලාවට අපි හැමෝටම හිතෙනව නේද, පොඩි නිවාඩුවක් ගත්තා නං හොඳයි කියලා. පොඩ්ඩක් "හුස්ම ගන්න ඉඩක්", නැත්නම් "පොඩ්ඩක් හිතන්න විවේකයක්" වගේ එකක්. ඒ කම තමයි මෙන්න මේ ලිපියෙත් කියලා තිබුනෙ.

අනේ ඉතිං බස්සත් ඒ ලැබිච්ච උපදෙස් අනුව, මේ යෝජනාව දැම්ම නෙව.

මේං වෙච්චි සැන්තෑසිය