Feb 26, 2014

රොමාගෙ වාසනාව සහ බස්සාගේ අවාසනාව

බස්සා කුඩා කල පොත් කියවීමට රුසියෙක් විය. අතට අසුවු ඕනෑම පොතක් , පත්තරයක් පමණක් නොව, කඩල ගොට්ටක් වුවද උගෙන් බේරුනේ නැත. මේ පොත් කියවීමේ පිස්සුව කොතරම් තදේට තිබුනාද කීවොත්, කවදා හරි ඌට පුස්තකාලාධිපති කෙනෙක් වීමට ඕනෑ විය. සියලු සංස්කාරක ධර්මයෝ නැසෙන සුළුය යන සිද්ධාන්තය නිසා හෝ පුස්තකාල වලට බස්සන් එපා වීම නිසා හෝ බස්සා පුස්තකාලාධිපති කෙනෙක් වූයේ නම් නැත.


කුඩා කල ඉතා ආසාවෙන් කියවු කතා අතර 'යකාගෙ ලියුම' නම් වූ කෙටි කතාවත්, ඊ.ආර් එරත්න නම් මහතකු විසින් ලියන ලද ' රොමාගෙ වාසනාව ' නම් පොතකුත් විය.

"රොමාගෙ වාසනාව" සම්පූර්ණ පොතම කියවීමේ වාසනාව නොලැබුනත් ,කියවීමට ලැබුනු පරිච්චේද කීපය අද දක්වා මතකයේ තිබීමම, මේ පොතට ඇති බකුසු කැමැත්ත කියාපායි. "රොමාගෙ වාසනාව" පරිවර්තනයක් නොවේ. එය අනුවර්තනයක් හෝ ඡායානුවර්තනයක් විය යුතුය. මේ පොත වැටෙන්නේ කොයි කැටගරියටද කියා බස්සා හරියටම නොදන්නේ, ඔය බර වචන දෙකේ තේරුම වෙන් වසයෙන් නොදන්නා නිසාය. ඔරිමජිනල් කතාව වන අපේ 'චාර්ලිස්' උන්නැහේගේ 'ග්‍රේට් ඇක්ස්පැක්ටේසන්' නම් පොත අනුසාරයෙන් අපේ හාදයා , එන්ගලා....න්තයේ 'ඇට' කොලුවාව 'රොමා' නමින් බෞතීස්ම කර ඇත. කරෝලිස් අයියාගේ හොඳි බෙදිල්ල, චාර්ලට් අක්කාගේ 'එඬරු තෙල් වඩිය පෙවිල්ල සහ කබ්රාල් මාමා හැලි අරක්කු බිව්ව විගස රොමා දෙන හුරේ රන් එක , අදටත් මතක් කරමින් සිනා විය හැක. අවසාන වසයෙන් කිව යුත්තේ, අනුන්ගෙන් ආභාෂයක් ගත්තද, අපේ හාදයා නියම ගේමක් දී ඇතැයි කියාය.


රොමා කියන්නෙ අනාත කොලු පැටියෙක්. ඌව 'අතේ වැරෙන්' හදා ගන්නෙ , චාලට් අක්කා. චාලට් අක්කා කට සැර අම්මණ්ඩි. රොමාත්, රොමාගෙ හොඳම මිතුරා වන මස්සිනා -ගමේ කම්මල් කාරයා වෙන කරෝලිස් අයියත් ඉන්නෙ චාලට් අක්කගෙ ආධිපත්‍යය යටතෙ. දවසක් දෙමව්පියන්නෙ සොහොන් කොත් බලන්න කනත්තට ගිය රොමාට හම්බවෙනවා, හිරෙන් පැනපු භයානක මිනිහෙක්. කන්න දෙයකුයි, කම්මලෙන් පීරකුයි ගේන පොරොන්දුව පිට, රොමා බේරිල එන්නෙ, එයාගෙ කැවුත්ත උගසට තියලා( කැවුත්ත යනු කුණුහරුපයක් නොවේ).

කතාව එතැන් සිට(කතාව කියන්නෙ රොමා):
( මතකයෙන් ලියන බැවින්, වරදට සමාව දෙන්ට, ඈ )

සුපුරුදු පරිදි, එදත් හැන්දෑවේ කරෝලිස් අයියාත්, මමත් මූණට , මූණ බලාගෙන , නිහඬ බාසාවෙන් කතා කරමින් සිටියෙමු. චාලට් අක්කා විසින් හවස තේ පානය සඳහා පුච්චන ලද රොටිය , මැදින් ඉරක් ඈඳ, දෙකට වෙන් වී, එක කොටහක් කරෝලිස් අයියාගෙ ඔඩොක්කුවටත් වැටිනි. අනෙක් කොටහා , මගේ මූණේ වැදී පාත් විය.

හැම දේටම මාගේ හවුල් කාරයා වුයේ මගේ මස්සිනාය. අපි එකට බැනුම් ඇසුවෙමු, ගුටි කෑවෙමු. ඒසේම සවස රොටි කෑමේදීත්, අප අතර අපූරු චාලිත්තරයක් විය. කරෝලිස් අයියා රොටි කෑල්ලක් කඩා ගෙන ගිල දමා, ඉතිරි කොටස මට පෙනෙන ලෙස, මා දෙසට දිගු කරන්නේ' මේ මෙච්චරයි ඉතුරු" කියන්නා සේය. මමද එයම කොට, මගේ ඉතුරුව ඔහු දෙසට දික් කරමි. රොටිය අවසන් වන තෙක් මේ සෙල්ලම දිගටම සිදු වේ.

නමුත් එදා හවස නං මේ සෙල්ලම සිදු වූයේ නැත්තේ, රොටි කෑල්ලට වඩා මගේ කැවුත්ත වටිනා නිසාය. කනත්තේ ඉන්නා අර කැවුතු කන පෝරිසාදයා මතක් වන විට මගේ කැවුත්ත 'ටිං,ටිං' ගෑව බව මට හොඳටම විස්වාසය. කරෝලිස් අයියා අහක බලන තෙක් මා කුරුමානම් ඇල්ලුවේ , රොටි කෑල්ල යටිමඩි ගසා ගැනීමටය.

නමුත් ඒ කාරිය හිතන තරම් පහසු වූයේ. නැත. දැනටමත් කරෝලිස් අයියා කීපවිටක්ම උන්දෑගේ රොටි කෑල්ල මා දෙසට දිගු කොට, පුදුමයෙන් දෑස් දල්වා ගෙන මදෙස බලා සිටියේය. මමද උන්දෑගේ වේගයෙන් කුඩා වන රොටි කෑල්ල දෙස බලා සිටියේ , යම් තරමක පසු තැවිල්ලක් ඇතිවය. අවසන මා බලාපොරොත්තු වූ අවස්තාව උදා විය, මම රොටි කෑල්ල යටිමඩි ගසා ගෙන , කිසිවක් සිදු නූනා සෙ සිටියෙමි.

මගේ රොටි කෑල්ල, එකවර අතුරුදහන් වූ බව දු‍ටු කරෝලිස් අයියා, කන්නට ගත් රොටි කෑල්ල කටේ තිබිද්දීම කටත් ඇරගෙන පුදුමයෙන් මදෙස බලා සිටියේය. මෙතන මොකක් නමුත් හොරයක් වෙනබව චාලට් අක්කාගේ උකුසු ඇස් වලට අසුවිය.
' ඇයි, මොකද ? මොකද වුනේ"

චාලට් අක්කාගේ ප්‍රශ්ණය නොසලකා හැරිය කරෝලිස් අයියා ' කොලුවෝ ඔය සෙල්ලම නං හොඳ වැඩක් නෙමෙයි. කාපු කෑම වමාරන එක හොඳ චාලිත්තරයක් නෙමෙයි තමා, ,ඒත් මනුස්ස පරාණෙ ඊට වඩා වටිනව නෙව. පොඩ්ඩක් කැහැපං බලන්න, බාගදා එලියට එයි' කීවේය.

මා දෙසත්, කරෝලිස් අයියා දෙසත් මාරුවෙන් , මාරුවට බැලූ චාලට් අක්කා, එකවර කරෝලිස් අයියාගේ කන් කෙටියෙන් අල්ලා ඇඹරුවේ ' හා, දැං කිව්ව නං මෙතන වෙච්ච දේ' කියමිනි.

දෑස් දල්වා , මා දෙස අසරණ බැල්මක් හෙලූ කරෝලිස් අයියා ' උඹ දැන්නවනේ, මං උඹට විරුද්දව දෙයක් කියන එකෙක් නොවන බව. ඒත් ගොයියෝ, මාත් හිච්චි සංදියේ, නොකරපු දෙයක් නෑ. ඒත් මෙහෙම රොටි බැස්සිල්ලක් නං මං මයෙ අම්ම-මුත්තා කාලෙවත් අහල නෑ' කිව්වේය.

'මොනවා, මූ රොටිය එක සැරේ ගිල්ලාද? වර, වර යන්න ' කියූ චාලට් අක්කා, මාවත් ඇදගෙන කෙලින්ම ගියේ කුස්සියේ බෝතල් රාක්කය අසලටය. චාලට් අක්කා, ගමේ ගොඩේ, ගොඩ වෙදකං වලට ප්‍රසිද්ධය. වෙඬරු තෙල් උන්දෑගේ කෝකටත් තෛලය විය. බලෙන්ම මේ අමුර්තයෙන් බෝතල් බාගයක් මට ගිලින්නට සිදුවූ අතර, මගේ හවුල්කාරයා වූ කරෝලිස් අයියාට ඉතුරු පංගුව ලැබුණි.


මේ කතාවේ ඔරිමජිනල් එක වෙන චාර්ලිස් ගොයියා ගේ 'Great Expectations' කියවා රසවිඳ ඇතත්, මා කුඩා කල කියවු රොමාගෙ වාසනාවෙන් මා ලැබූ චමත්කාරය නම් නොලැබුනු බව කිව යුතුමය.




අන්තර්ජාලයෙන් 'රොමාගෙ වාසනාව' සෙවීමේ මාගේ ව්‍යායාමය, ලත්තැනම ලොප් වූයේ , බින්දිගේ පොස්‍ටුවක අපේ බුරම්පියා දැමූ කොමෙන්‍ටුවකිනි:

http://4.bp.blogspot.com/ -OyxfBKPeDlI/Tvw_SRKXf2I/ AAAAAAAAC-I/r29OZzZB0aw/s400 /Pip+and+Magwitch+on+marshes.jpg

"රොමාගේ වාසනාව නං පුතේ උඹට මෙලෝ සංසාරෙකින් හොයාගන්ට පුළුවන් වෙයි කියලා මං හිතන්නෙ නෑ.. අපේ ගෙදර නං එකක් තියෙනවා, ඉල්ලන්ට එපා, දෙන්නෙ නං නෑ.. ඒවා වටින වස්තු.. :)"

විශ්ව සාහිත්‍යය ලියා තිබෙන්නේ ඉංගිලිසියෙන් යැයි කව්දෝ කියා ඇත. එසේම සම්භාවය කෘති, ව්‍යාපාරයක් නොව, පොදු දේපලක් විය යුතුයැයි සුද්දා විස්වාස කරයි.Project Gutenberg වැනි නොමිලේ eBook දෙන අඩවි පිහි‍ටුවා ඇත්තේ ඒ නිසා විය යුතු වුවත්, අපේ හිංගල සම්භාවය කෘති සම්බන්ධයෙන් අපට ඒ වාසනාව තවම උදාවී නැත.

(ඡායාරූප සහ වීඩියෝ අන්තර්ජාලයෙනි)

71 comments:

  1. අපොයි දෙයියනේ :o

    ReplyDelete
  2. මමත් පොඩි කාලේ සැහෙන වතාවක් කියෝපු කතාවක්. හැබැයි බස්සට තරම් ඔච්චර හොඳට කතාව මතක නැහැ . මට මාර විදිහේ රූපරාමු මැවුනේ ඕක කියවල. අනුවර්තනයක් කියල හිතෙන්නෙම නැහැ . මිගමුව පැත්තේ කතෝලික පරිසරයක් තමයි මැවෙන්නේ . බුරානිස් ඔහොම කිව්වා තමයි. ඒ වුනාට අර තොරෝක්කොව වගේ ස්කෑන් කරලා එවන්න බැරිද දන්නේ නැහැ නේ . අද ඇත්තටම මට බුරාව මතක් වුනා දවල්. අපේ නැන්දම්මා උදේ කෝල් කරලා ශෝකජනක පුවතක් දැන්නුවා . මන් දෑවැද්දට ගෙනා පොත් රාශියක් සහ අපේ උන්දෑගේ පරණ පත්තර යුනි නෝට්ස් යනාදී සකල සම්භාරයක් වස්තුව මියන් කා දමල . එව්වා පුච්චලා දාන්න වාචික අනුමැතිය ගන්නයි මට කතා කලේ ..අනේ එපා කියන්නද ..ඉතින් .මොන මොන වටිනා පොත් තිබ්බද දන්නේ නැහැ

    ReplyDelete
    Replies
    1. හපොයි දෙයියනේ!.
      ඔය මීයො හරි කැමතියි පොත් ලියන්ට :)

      Delete
    2. සාතිශය සංවේගය! ඇයි දෙයියනේ ඔයා හා කිවුවෙ!? ඔයාට කියන්ට තිබ්බනෙ "ඊළඟ නිවාඩුවට එනකං පොත් ටික පැත්තකින් අරන් තියාන්ට, මං ඇවිත් පුච්චන්නං" කියලා.. :(

      Delete
    3. තොරොක්කෝව පිටු 2-3යි.. රොමාගෙ වාසනාව පිටු තුන්හාරසීයක් විතර ඇති.. මං කොහොමෙයි එච්චර ගොඩක් ස්කෑන් කරන්නෙ.!? :)

      Delete
    4. මගේ වෙන්ට කතන්දර දෙකක් බින්දි ගේ කතාවේ තියනවා.

      තමන් ගේ කොච්ච්‍ර වටිනා දෙයක් ගැන වුනත් වෙනත් කෙනෙක් කෙරෙහි විශ්වාසය තියන්න එපා. දෑවැද්දට ගේන්නේ නැතුව ගෙදර තියලා ආවත් එච්ච්‍ර තමා!

      Delete
    5. මියෝ කියන්නේ මට පේන්න බැරි එපා කරපු ජාතියක්. ...
      බුරෝ ..කොහොමද එහෙම කරන්නේ .වයසක දෙන්න ගෙවල් අස් පස් කරගෙන ඉන්නෙත් අමාරුවෙන් ..
      පොත් ගුල්ලා..අපරාදේ මට කියන්න තිබ්බේ පොත් ගුල්ලව එවන්නම් කියල පොත් ටික අරන් යන්න .
      මට විශ්වාසයි මගේ නම් නවකතා ටික කබඩ් එකේ කියල. හැබැයි මෙයාගේ ඉස්කෝලේ පෙළපොත් හෙම තමයි අපරාදේ වෙන්නේ . යුනි නෝට්ස් නම් ඉතින් දැන් ඕවා කියෝන එකක් යයි..මගේ ඕපන් යුනිවර්සිටි පොත් සෙට් එක නම් අපරාදේ...
      කතන්දර ලියන්නකෝ බලන්න ..හොරෙන් ඇවිත් කියෝලා යන්න
      ඔව් ගෙදර තියා ආව ඒවා ටත් ගියේ ඒ කල තමයි. පරණ ඉස්කෝල පොත් සංරක්ෂණය කරන්නේ කොහෙද .කොහේ හරි තැනක් ඇති නේද

      Delete
    6. බූරා, පොත මට එවන්න මම ස්කෑන් කරලා ඔහේටත් කොපියක් එවන්නම්....

      Delete
    7. තැන්ක්ස් තිසර ...

      Delete
  3. හික්ස්! ඇයි රොමාට කබරාල්මාමා දෙන ගණිත ගැටළු!

    ReplyDelete
    Replies
    1. ඒක නං මතක නෑ. අර නත්තල් කෑම මේසෙ ඌරො ගැන කතාව කියන කොට මස්සිනා රොමාගෙ පිඟානට හොඳි බෙදන් එක නං මතකයි.

      මේ පොත , පොත් සාප්පුවල ගන්න තියනවාද>

      Delete
    2. කුරුතඥ්ඥ වෙයං රොමෝ!

      Delete
    3. New edition / Reprint එකක් දෑන් තියනව

      Delete
    4. @ බස්සි, දෑන් කබරාල් මාමා ඉලක්කම් හදල දෙනව

      Delete
  4. මම නං රෝමා ගේ වාසනාව වත්, ඒකෙ ඔරිමජිනල් එක වත් කියවල නැහැ. කොළඹ පැවති 2013 යුරෝපියානු සිනමා උළෙලේ දී පහත සබැඳියේ තියෙන සිනමා පටය බැලුව. බොහොම චිත්තාකර්ශනීයි.
    https://www.youtube.com/watch?v=Q9RUEgT9zcc

    ReplyDelete
    Replies
    1. ඔව් මේකෙ බොහොම ප්‍රබල කතාවක් තියනවා. මම ට්‍රේලර් එක බැලුව, හොඳට කරල තියන බව පේනව.

      Delete
  5. චාලට් අක්කා නෙවෙයි බොල, මැගිලින් අක්කා..

    ReplyDelete
    Replies
    1. ආන්න හරි මැගිලින් අක්කා තමා :)

      Delete
    2. එදා රෑ රොමාට නියම වෙනවා පිටි කොටන්ට, නත්තලට කෑම හදන්ට..

      මම මෝල්ගහ පහත හෙලන වාරයක් පාසා මගේ ඉණේ තිබුනු රොටී කෑල්ල පහළට රූරා බසින්නට විය. එක අතකින් එය අල්වාගෙන අනිත් අතින් මෝල්ගහ පහත හෙලන්නට මට ශක්තියක් නොවූ අතර, අනිත් අතට එසේ කරන්නට ගොස් මැගිලින් අක්කා මොනවා කියයිදැයි දෝ මට සිතුනි. එනිසා මම මෝල්ගහ ටික වේලාවකට මස්සිනාට බාර දී එළියට ගියේ රොටී කෑල්ල සුරක්ෂිතව හංගාගෙන නැවත ඒමටය. මම ආපසු පැමිණියේ පිටි කොටා අහවර වන්නට කිට්ටුවය. මේ අතරේ ගඟ දෙසින් ඇසුනේ වෙඩි ශබ්දයකි.

      රොමා: කාටද අක්කේ ඒ වෙඩි තියන්නේ?
      මැගිලින් අක්කා: තොට ඇරෙන්ට වෙන කාටද?
      රොමා: (මට හීන් දාඩිය දමන්නට විය) හැබෑද අයියේ?

      කරෝලිස් අයියා මා දෙස හෙලූ සිනාමුසු බැල්මෙන් මට හැඟී ගියේ මා එතරම් අවාසනාවන්තයෙකු නොවන බවයි. එයින් දිරි උපදවා ගත් මම තවත් ප්‍රශ්න අසන්නට පටන් ගත්තෙමි.

      රොමා: හැබෑට කාටද අයියේ ඒ වෙඩි තියන්නේ?
      කරෝලිස් අයියා: වෙඩි තියන්නෙ හිර කාරයින්ට. ඊයෙ රෑ පාරුවෙන් හිරකාරයො දෙන්නෙක් පැනලා ගියා කියලා මට අහන්ට ලැබුනා. ඔය වෙඩි තියන්නෙ උං අල්ලන්ට ‍වෙන්ටැති.
      රොමා: හිරකාරයො කියන්නෙ කාටද? හිරේදි ඒ අයට කන්ට දෙනවද?
      මැගිලින් අක්කා: මේ කොළුවා අහන පුරස්න රාසිය! හිරකාරයො කියන්නෙ හොරකං කරලා, මංකොල්ලකාලා, මිනීමරලා හිරේට නියම වෙච්චි මිනිස්සුන්ට. ඒ මිනිස්සු එහෙම දේවල් කරන්නෙ උඹ වාගෙ පොඩි කාලෙ ඉඳලා එකේක පුරස්න කාරිය අහලා නුවුමනා දේවල් දැනගත්ත හින්දා. ගොහින් නිදාගිය කාලකන්නියා.

      Delete
    3. ඉඳා උඹට තව හොදි හැන්දක් :)
      මේ කොටස මං කියවල නෑ. මං කිව්වෙ, මට ලැබුනෙ පරිච්චෙද දෙක තුනයි කියල.

      Delete
  6. මතකද ඔය කතාව ටෙලියකටත් ගැහුවා.

    ReplyDelete
    Replies
    1. ටෙලියකට?

      මට ඒක මිස් වෙන්න ඇති හැලපෙ. කොහොමත් කලින් පොත කියවපු කෙනෙකුට, හරිම අමාරුයි , සිනමාවෙන් සෑහීමට පත් වෙන්න.

      Delete
    2. 90 දශකයේ මුල.. ටෙලිය කිසිම රහක් නෑ.. ඒකෙ රොමාට හිටියෙ භානුක මනෝරත්න..

      Delete
    3. ඒකත් එහෙමද? එහෙනං නොබලපු එක හොඳා

      Delete
    4. බුරා ගේ කතාවට මගේ විරෝධය පල කරමි.

      කරෝලිස් අයියාට හිටියේ ජයලත් මනෝරත්න. තාත්තයි පුතයි හොඳ රඟ පෑමක් කළා මතකයි.

      Delete
    5. රොමාට කන්න ඉඩ නොදී මුදලාලි ප්‍රශ්න අහපු එක මතකයි... හොණ්ඩරේට රාත්තල් කීයද?

      Delete
    6. ටෙලිය කිසිම රහක් නෑ කියලා කිවුවෙ කකා, මම පොත කියවලා ලබපු රසය ටෙලියෙන් ලබන්ට බැරි වුනු හන්දයි.. රොමාගෙ වාසනාව කියන්නෙ මං පොඩි එකා කාලෙ දවස ගානෙ කියෝපු පොතක්.. දැන් වුනත් කතාව සම්පූර්ණයෙන් කියන්නම් මතකෙන්, ඒ තරමට මට බැඳිලා තිබුනු පොතක්.. (ඒ වගේම තව පොතක් තිබුනා ටොම් සෝයර් පරණ පරිවර්තනය සුරසේන ආටිගල‍ගෙ).. මේ පොත් කියවලා හිතේ ඇඳුනු සටහන් ටෙලියෙන් තියා වෙන කිසිම විදියකින් ආයෙමත් විඳින්න පුළුවන්කමක් නෑ..

      ටෙලියෙ මට මතකයි, පොතේ නොතිබුනු චරිතත් ඔබලා තිබුනා.. බිංදු කියලා ගෑල්ළමයෙක් හිටියා.. මෙයයි රොමායි අතරේ නිකං පපී ලවු එකක් තියෙනවා වගේ තමයි කතාව ගලාගෙන ගියේ.. අනෙක කතාව මැදින් නැවැත්තුවා, රොමා නගරෙට යන්ට ගමෙන් පිටවෙලා යන තැනින්..

      Delete
    7. මට ඔය ටෙලිය ප්‍රචාරය උනා මතකයි. යම් හේතුවක් නිසා බලන්න නම් ලැබුනේ නැහැ. ඒකට දාල තිබුන නම; 'සුභ අනාගතයක්'

      Delete
    8. කකා සමග එකඟ වෙමි

      Delete
    9. මට මතක විදිහට ටෙලිය නිර්මාණය කලේ ධර්මසේන පතිරාජ, ටෙලිය අතරමගදී නැවතුනා copyright ප්‍රශ්නයක් හින්දා

      Delete
  7. මාර මතකයක් නේ ඔහොම අකුරෙන් අකුර ලියන්න තිබිලා තියෙන්නේ.

    මං ඔහොම කියෝපු මුලත් නැති, අගත් නැති පොතක් තමයි (ජේ.ඊ?) සේදරමන් නමසිය තිස් ගනංවල යුරෝපයේ ගිය ගමනක සටහන්.

    ReplyDelete
    Replies
    1. හැම එකම මතක නෑ කකා, ඒත් මෙව්ව අමතක නොවෙන කතන්දර

      Delete
    2. සැබෑ "කතන්දර" කිසිද ා අමතක නොවේ!

      Delete
    3. කකාගෙ බ්ලොග් එකේ උඩින්ම දාන්ට කියාපු ස්ලෝගන් එක.. නරකද පරණ ස්ලෝගන් එක අයින් කරලා (පරණ සබන් කෑල්ලට යන්ට කියලා) මේක එල්ලුවොත්.. :D

      Delete
  8. මේ කට්ටිය ඔක්කොම නිදා ගන්නේ නැතුව අලුත් පෝස්ට් දදා, කමෙන්ට් කරාගන්නවද?

    ලස්සණ පොතක්. ඔන්න බූරෝ මට නම් ඕනි කියවන්ට. :D

    බස්සාගේ මතකය බලමුකෝ. අකුරක් නෑර ඕනි දෙයක් මතක තියාගත්තු හැකි බස්සෙක්නේ.?
    බස්සා පුස්තකාලාධිපති (ඔන්න හරියට ලීවද දන්නේ නෑ හොඳේ) කෙනෙක් උණානම් අපිට ඒ පුස්තකාලේ තිබුණු ඔක්කොම පොත් ටික ඔක්කොම බස්සා ලව්වා කියවගන්ට තිබුණා. :)

    ReplyDelete
    Replies
    1. ඊයෙ බාගයක් ලිව්ව, අද ඉතුරු බාගෙ.

      /ලස්සණ පොතක්. ඔන්න බූරෝ මට නම් ඕනි කියවන්ට/
      බලාගෙන හි‍ටු, දෙයි උන්දෑ මේන් කියලා :)

      Delete
    2. බුරාගේ ගෙදෙට්ට හොරෙක් යවලා පොත් ටික හොරකම් කරමු

      Delete
    3. හොරු මොකටද? අපි දෙන්නා යමු... :D

      Delete
  9. එරත්න තමයි මන් කියවල තියන හොදම පරිවර්තකයා (for want of a better word) ඔහුගේ හොදම පරිවර්තන වන විත්ති 1 සහ 2 (Kipling's Jungle Book) .රොමාගෙ වාසනාව මම ලගදි හම්බවෙලා ආයිත් කියෙව්ව. අන්තිම හරිය ටිකක් hurried and anti-climatic වගෙ. ඔරිජිනල් එකේ වෑරෑද්ද වෙන්න ඈති නේ? Great Expectations කියෙව්ව්වෙ ගොඩක් ඉස්සර ඒකත් abridged version එකක්

    අනිත් එක්කෙනා මායා රන්ජන් - Scott's Ivanhoe (වන සන්ග්‍රාමය), Iliad and odyssey

    ReplyDelete
    Replies
    1. මම අවුරුදු 12-13ක් විතර කාලෙ අයිවන්හෝ කියවලා, ඒකට පිස්සු වැටිලා ඒක පරිවර්තනය කරන්ටත් ගියා.. මතක විදියට පරිච්ඡේද එකක් හෝ දෙකක් පරිවර්තනය කලත් එක්ක.. ඊටපස්සෙ ඒක එහෙම්මම යට ගියා.. සර් සිඩ්‍රික්, ලේඩි රුවීනා, රිබෙකා, සර් බ්‍රයන් දි බෝ ගිල්බර්ට්, අර ජෝකර් කවුද? වම්පා ද?

      Delete
    2. Buratheno,
      The joker or the swineherd. Can't remember.
      King Richard, Robin Hood (both in disguise), The priest (Tuck), The Jew, Grand Master and other Templars. අයිවන්හෝ ට ඔයතරම් කෑමතිනම් මායරන්ජන් ගේ පරිවර්තනය කියවන්නම ඔනේ. ඔරිජිනල් හෝ ඊටත් වඩා හොදයි.
      ස්කොට්ගේ අනිත් පොතුත් කියෙව්වද? Talisman, Rob Roy?
      If you are into historical fiction (especially, of the island I think you live in now) read Nigel Tranter's Scottish HF. It should be easy for u to find.
      At one time I was addicted. Even now before UK friends visit here I sometimes get Tranter books delivered by Amazon to their UK addresses. (2.80 in UK but more than 7 to SL !)

      Delete
    3. Sir Cedric has a joker.. The story begins with him & the swineherd having a chat as I remember.. The Jew is Isaac of York, Rebecca is his daughter..

      I think I have read The Talisman, not sure though.. Definitely not Rob Roy..

      Thnx for the info.. Will try to buy some books.. Busy reading GoT these days.. :)

      Delete
    4. 4 u Buratheno-

      https://www.goodreads.com/

      Delete
    5. /4 u Buratheno/
      හහ්, ඇයි බොල අපි ඔ‍ටුවොද? :)

      මේ අපිටත් කියවන්න ඔය කියන ඉස්තරම් පොත් සැට් එක දැම්මොත් නරකද?

      හරි , මෙන්න මං හදා ගත්ත ලිස්ට් එක:
      Ivanhoe
      The Talisman

      Delete
    6. U can add some Connadoyles...

      1. The White Company
      2. Sir Nigel

      if u like naval warfare, then add Richard Bolitho series.. it starts with Bolitho joins the Royal navy as a midshipman and ends when he becomes an Admiral.. some 20 odd books.. :)

      Richard Bolitho series

      Delete
    7. 4 Bura, Bass and any other my kind of addicts-
      Bernard Cornwell - Saxon warlord series, Richard Sharp series (land warfare), Arthur series.
      The best HF authors ever- Robert Graves, Rosemary Sutchcliff, Henry Treece (a must), Nigel Tranter, Allen Drury, a few more

      Current authors- Colleen MaCullough (Rome), Bernard Cornwell (Saxon series), Conn Iggulden (Mongols)

      Delete
    8. Conn Iggulden is the best. Love his Mongol series starts with Genghis & ends with Kublai.

      Bernard Cornwell has a Viking series as well, hasn't he? Or u're talking about the same series? The boy who captured and adopted by Vikings and his return to Northumbria.

      There's another must novel by Edward Rutherford called Sarum. He tell the story of England from pre-historic times to modern day via Celts, Romans, Saxons, Vikings, Normans, Medieval times, Reformation, Civil war, etc. Fascinating!

      Delete
    9. Yes Cornwell's Uthred the Saxon adopted by Vikings returned to fight for King Alfred albeit with misgivings.
      If you like Viking read Henry Treece too. There are many modern authors too but not as excellent as him (his writing has a dark side to it). There's one other good book I have but forgotten the title (why don't u start a blog, I will go Full Monty!)
      Rutherford has "London" and "The Forest" too. OK for a history buff like me but a bit heavy going for pure reading pleasure.
      Can write endlessly about HF when I have time provided Bassa doesn't mind. Again, why don't u start a blog???

      Delete
    10. Ah, the million dollar question! Why don't I start a blog? Well the simplest answer is "I'm wearing the favour of m'lady her laziness.." :-D

      Maintaining a blog is not an easy task. U have to write regularly, and then have to keep an eye on comments, have to reply comments, etc.. don't need such hazzle in my simple life. This way is better..

      Delete
    11. 'ඇවිදින පුස්තකාල' නම් විරුදාවලිය ලද බුරාභිධාන කෙළෙඹිපුත්‍රයාට සමකල හැකි අයෙක් වෙතොත් ඒ 'වෙලේ-කොකා' මහතා පමණි. ඉස්සර වෙල්කොකා, නෙලුම් විලේ මාළු බෑමට පැමිනි අතර, කෙළෙඹිපුත්‍ර- කොක් වාද-විවාද තුලින් හුදී ජනයාට බොහෝදේ ඉගෙන ගැනීමේ ඉඩප්‍රස්තාව ලැබින. ඒත් අවාසනාවට , දැන් වෙල්කොකා දැන් මාළු බාන්නේ වෙන, වෙන විල් වලය :)

      කෙළෙඹිපුත්‍රයාට ලවා බ්ලොග් ක‍ටුවක් අටවා ගැනීමට මාන බැලු අය බොහෝය. නමුත් උන්දැ ලවා ඒ කාරිය කරවා ගත හැකිනම්, ඉබ්බන්ගෙන් පිහා‍ටුද ලබාගත හැක

      Delete
    12. Buratheno, My laziness too knows no bounds ! (writing in English in a Sinhala blog and cringing, anticipating flack, is a prime example) But, when it comes to books (especially, HF) I will escape the clutches of her ladyship long enough to write, discuss, recommend, seek and give advise, etc at length in any language I know.

      Bura AND Bass, When it comes to blogs my laziness matches ignorance. So, if some learned soul like you (or even a wayward owl) writes on my favourite subject, I can contribute within my capacity.
      Buratheno, Pl do a blog on books !!

      Delete
  10. චාලට් අක්කා නෙවෙයි යකෝ ‘මැගිලින් අක්කා‘

    මතකද, රොමා අකුරු ඉගෙන ගෙන කරෝලිස් අයියට ලියන ලියුම? මට ඒක වචනයක් ගානෙ තාම මතකයි.

    ‘කරලිස අයා වෙත ලයමි,

    කරලිස අයේ, සෙප සනීප කහමද? මම සපෙන් සටිමි. අයාත් සපෙන් සිටිනෙමුද? මැගිලින් අක්කාටත් සැප වවා!

    මේ වග රමා“

    ReplyDelete
    Replies
    1. ඔව්, ඔව්, මැගිලින් අක්කා තමා :)
      මට කියවන්න ලැබුනෙ පරිච්චෙද දෙක තුනයි , ඩ්‍රැකී. මේ හරිය මං කියෝල නෑ. ඒකයි පොත හොයන්නෙ.

      Delete
  11. @බූරා,

    මේ අපේ හැපී බර්ත්ඩේ එකක් එනවලු හෙට අනිද්දම. ඒකටවත් ඕක ස්කෑන් කරලා එවන්ටෝ. ඊට පස්සේ අනික් අයට මේල් කල හැකි අර දානයක් දෙනවා වගේ...:)

    ReplyDelete
    Replies
    1. ආන්න ඉබ්බන්ගෙන් පිහා‍ටු ගන්න තව ට්‍රයි එකක් :)

      Delete
    2. සුභ උපන්දිනයක් පොඩ්ඩි.
      මෙන්න මගෙන් උපන්දින තෑග්ගක්
      යකාගෙ ලියුම

      Delete
    3. යකාගේ තෑග්ගක් නේ උපන් දිනේට දීලා තියෙන්නේ. :D

      මට මතක් උණේ රවිගේ ලියවිල්ල...

      කතාව හරි ලස්සණයි. අර එක හුස්මට කියවගෙන යනවා කියන්නේ. අන්න ඒ විදියට කියවගෙන ගියා. හරිම කුතුහලයක් තිබුණේ ඒ ලියුමේ මොනවා තිබුණද කියලා දැනගන්ට. හැබෑට මොනවා තියෙන්ට ඇද්ද? (කතාව ලස්සණ ඒ ගැන අපි දන්නේ නැති නිසා නේද? )

      සිල්වා මේ වගේ කතාත් ලීවද? මේකත් මොකක් හරි ඉංග්‍රීසි කතාවක් බලලා ලීව එකක්ද දන්නෙත් නෑ කියලා අර දෙන්නෙක්ගේ කමෙන්ට්ස් මතක් උණාම හිතුණා.
      ස්තූතියි බස්සෝ. ඔයාට හිතෙන්නේ ඒ ලියුමේ මොනවා තියෙන්ට ඇති කියලද?

      (ආ...තව එකක්. මේ පොත් පෙරලලා හරියන්නේ නෑ. වෙන තෑග්ගක් එවන්ට හී හී...)

      බකබරුව???

      Delete
  12. මගෙත් කැමතිම පොතක් පොඩි කාලේ. මේක මේ තරම් රහට මතක් කරාට ස්තුතියි.

    ReplyDelete
    Replies
    1. ස්තූතියි තිලකෙ. ඔයා වගේ අය ලියන විදිහ බලල තමා අපිත් ලියන්න උත්සාහ කරන්නෙ

      Delete
  13. රොමාගේ වාසනාව පොත ගැන කියවද්දි මට මතක්වෙන්නෙ , පොත කියවනකොට මම " හිර කාරය රොමාට කියනව බත් ගේන්න ,පීරක් ගේන්න කියල ." මම අයිය්යගෙන් ඇහැව්ව ගිහින් අයියේ " පීරක් කියන්නෙ බත් වලටද" කියලා . අයිය්ය හොඳටම හිනාවුනා.

    මේ පොත හරිම ලස්සනයි, බස්සටත් හොඳ හොඳ පොත් ගැන මතක් වෙනවනේ.

    " බස්සට ගොඩක් ස්තූතියි හොඳේ"

    ReplyDelete
    Replies
    1. අනිත් අයත් පොත් ගැන ලියල තිබුනා. මටත් හිතුනා පෝස්ට් එකක් ලියල දාන්න :)

      Delete
  14. මම ඊ.ආර්.එරත්නගෙ ලොකු පුතා. මම වසර 50කට අධික කාලයක් එක්සත් රාජධානියේ වේලස් පළාතේ ජීවත්වෙන්නෙ. මට ඊයේ රාත්‍රියේ හිතුනා ‘රෙමාගේ වාසනාව’ පොත Google කර බලන්න. එතකොට තමා ඔබතුමාගේ blog එක දැක්කේ. තාත්තා පොතේ ලියලා තියෙනවා වගේ මම ඔබතුමාට ‘කෘතඤ්වෙනවා’ blog එකේ
    ‘රොමාගේ වාසනාව’ ගැන ඔබගේ මතකසටහන් විස්තරාත්මකව ලියපු ඵක ගැන. ඒ වගේම තාත්තාගේ භාශා ශෛල්‍ය සහ පොත ගැන ප්‍රසංසා කරලා ලැබුනු පිළිතුරු අතිශයෙන් අගයකළා. ඔබතුමා කැමතිනම් මගේ e- mail address වන anandaeratne@outlook.com වලට පිළිතුරක් එවන්න. බොහොම ස්තුතියි.
    ආනන්ද එරත්න

    ReplyDelete
    Replies
    1. මම මේ ලිපිය ලිව්වෙ සෑහෙන කලකට පෙර. ඒත් මේක තමයි, මගේ ලිපි අතරින් වැඩිම දෙනෙක් බලල තියෙන්නෙ. ඔබතුමාවගෙ මේ සටහන මට සතුටක්. ඊ.ආර්.එරත්න මහත්තයා මට නං ජාතික සම්පතක්. මගේ දුප්පත් ලමා කාලය වර්ණවත් කලාට, එතුමාට සදා ණය ගැතියි.

      Delete
    2. ඔබතුමාගේ ඉක්මන් පිළිතුරට බොහොම ස්තුතියි. අපේ තාත්තා
      සිංහල පොත් සරල භාශාවෙන්
      සහ ගැමි පරිසරයන් සම්බන්ධකොට ලිවීමට දැඩි උත්සාහයක් ගත් කෙනෙක්.රොමාගේ වාසනාව මෙයට සුදුසු උදාහරණයක්.මම හිතන විදියට ඔබතුමා කියවන්න ඇත්තේ 2006 වසරේ මුද්‍රණය කරපු මුද්‍රණයක් වෙන්න ඇති. මේ පොත මුලින්ම මුද්‍රණය කළේ 1944 වසරේ. වසර ගනනාවක්
      තිස්සේ සංසරණයවී තිබනු මේ පොත කොතරම් ජනප්‍රියවු පොතක්දැයි දැනගැනීම අපට මහත් සතුටක්. ඔබතුමාගේ blog එකේ ඔබතුමා ‘රොමාගේ වාසනාව’ ගැන ස‍දහන් කරලා මේ පොත කියවූ අන් අයටත් පොත ගැන තමන්ගේ අදහස් පලකරන්න අවස්ථාව දීලා ඒ මගින් ඒවා මට දැනගැනීමට ලැබීම මට විශාල සතුටක් . ඔබතුමා කළ මේ කටයුත්ත මගේ තාත්තාට කළ ගෞරවයක් ලෙස මම පිළිගන්නවා.
      ආනන්ද එරත්න

      Delete
    3. මට ඉස්සෙල්ලම කියවන්න ලැබුනෙ "රොමාගේ වාසනාව" පොතෙන් කොටසක්. මතක විදිහට, උසස් පෙල සිංහල සාහිත්‍යයට නිර්දේශ කරල තිබුන, පිටු ඉරුණ පොතකින්. පස්සෙ පුස්ථකාලයෙන් හොයාගෙන පොත කියෙව්වා. Great Expectations කියවන්න ආසාවෙන් හිටියත් ඒ කාලෙ ඉංගීසි දැණුම මදි වුනා. පස්සෙ කාලෙක කියෙව්වත්, "රොමාගේ වාසනාව" දුන්න සියුම් උපහාසය, "අපේ කම" ඒකෙ තිබුනෙ නෑ. නෑ මම පොත කියෙව්වෙ ඊට හුඟක් කලින්, 2006 දී තමයි මම කැනඩාවෙ ටොරන්ටෝ පදිංචි වුනේ.

      මේ ලිපිය ලියවුනේ, සිංහල බ්ලොග් වල ස්වර්ණමය යුගයේ. දැන් ඒ ලේඛකයො, පාඨකයො වැඩි දෙනෙක් දකින්න නෑ. මම මේ පැරණි පෝස්ට් බලන්න වැඩිය එන්නෙ නැත්තෙත්, ඒ සුන්දර අතීතය සතුටක් වගේම සියුම් දුකකුත් හිතට දනවන නිසයි. පස්සෙ මේ පොස්ට් එක බලල දුක හිතුන මගේ මිත්‍රයෙක් මට "රොමාගෙ වාසනාව" කොපියක් තෑගි කලා.

      Delete

  15. පොත් කොච්චර කියවලා තිබුනත් මට රොමාව මිස් වෙලානෙ. මතක නෑ මේ කතාව කියවපු වගක්. කොහොම හරි හොයාගෙන කියවනවා. . අපි පොඩිකාලේ කියවන පොත් කොච්චර නම් අපේ මතකයේ තියෙනවද. .මොනතරම් වයසට ගියත් ඒව අමතක වෙන්නේ නෑ නේද.

    ReplyDelete
    Replies
    1. සාදරයෙන් පිලිගන්නවා. අර අම්මා ගැන ලිපිය වගේ ඒව ආයෙ ලියන්න, ඈ? අපේ අම්මාවත් මතක් වුනා. අපිට තිබ්බෙ දුප්පත් ලමා කාලයක්. ඒත් අම්මා කොහොම හරි රෝල ගහලා, අපිව කවදාවත් බඩගින්නෙ තිබ්බෙ නෑ. ඒත් එයා හැමදාම කෑවෙ අන්තිමට. දැන් හිතෙනවා, අපේ බඩවල් පුරෝල, එයා බාගෙට කන්න ඇති කියලා. අපිට යමක් කමක් කරගන්න ඇහැකි තත්ත්වයක් එනකොට එයා නෑ. ඒක මට කවදාවත් අත්මිදෙන්න බැරි පසුතැවීමක්.

      Delete

ඔබට කමෙන්ට් ලෙස, ලින්ක් සහිත පිංතූරයක්/ වෙබ් පි‍ටුවක් දැමීමට අවශ්‍ය නම් පහත වෙබ් සයිට් එකට ගොස් අදාල කෝඩ් එක කොපිකර ගන්න.
link to the code