Sep 22, 2014

බස්සා සහ මකරා

යිස් ප්‍රාකාරෙ පදිංචියට ගියාට පස්සෙන් පහු , බ්ලොගෙ මකුලු දැලුත් බැඳිලා. කොහෙ පෝස්ට් ලියන්නද අප්පා, බිසී,බිසී?
ප්‍රාකාරෙ උඩත් තියනවා "පෝස්ට්". ඒත් එව්වා මේ ලියන කියවන එව්වා නං නෙමෙයි, හිටගෙන මුර කරන එව්වා. හිටපු ගමන් අපේ අණදෙන නිලධාරිතුමා කියනව " අද මං උඹව 'පෝස්ට්' කරඤ්ඤං, ඊස්ට් ටවර් එකට" කියලා. මුලදි මට හිතුනෙ , උන්දෑ මයෙ ත‍ටු අකුලලා හත‍රැස් පාර්සලයක් හදලා තැපැල් කරන්නවත් හදනවාද කියලයි.


මං ඉතිං නිසාචර පස්සියා නිසා, මට නිතරම දෙන්නෙ නයිට් ඩියුටි. පුරස්නෙ කියන්නෙ, එතන තියෙන හීතල, ඒක මං වගේ මූකලං බස්සෙකුටවත් උහුලන්න අමාරුයි. මං කරන්නෙ හොඳට අත්ත‍ටු සැට් එක පොරෝගෙන ගිණිගොඩක් ගාවට වෙලා  " හොට් වයින්" පාරක් ඇදලා අරින එකයි. 

එදා නිවාඩු දවසක්. උදේ   හීල සප්පායම් වෙලා මං ගියා රජමාවත පැත්තෙ පියාඹන්ට."හචෝස්". කව්ද මහා හයියෙන් කිඹුහුමක් යැව්වා. , මං කෝකටත් සූජානං සරීරෙ කියලා ලඟ තිව්න බුරුත ගහක ලෑන්ඩ් කලා. කෑලෑව බිඳගෙන රජමාවතට ආවෙ මකරෙක්!

මකරෙක් කිව්වට ඔය  මහා පරිමාණ එකෙක් නෙමෙයි. කොට මකරෙක් - පෝටබල් වර්ශන් එක. අර හුරතලේට හදාගන්ට නරි හොයන කස්ටියට,  දරුකමට හදාගන්න උනත් පුළුවන් ජාතියෙ එකෙක්. හරි හුරතල් පෙනුම.  තරමක පොලොස් ගෙඩියක් වගේ. පාටත් ඒ වගේ, ක‍ටු හිටං තියනවා, හදිස්සියට ලිප පත්තු කරගන්න එහෙමත් ඇහැකි.

මට හම්බ වෙනකොට හිටියෙ අසනීපෙන්. හෙම්බා ගහලා.


" මකර මචෝ, දෙන්නද බොටත් වයින් ටිකක්, මේක ඔය ලෙඩේට කියාපු බේත?කොහොමද නම. ගම , වාසෙදේසෙ කාරිය?

" නම කොරනේලිස්, ගම මෙට්‍රොපොලිස්" වයින් බීපු කොටා කුරුතග්ඥ පූර්වක බැල්මක් දාලා කිව්වා.

" හුටා, බොට තියෙන්නෙත් අමු ගිංගල නමක් නෙව? බොලෑ අප්පුච්චා ලංකාවෙ වත්ද?"

" මගුලක් කියනවා, දැන් අර සිංහ මහගෙ බොට කෙහෙල් ගහකට ඇන්න කතාවක් කිව්වෙ, බොලෑ අප්පුච්චා කොට්ටෝරුවෙක්ද?".


ඇදලා ඇරියෙ නැතෑ කොටා ප්‍රශ්ණෙට , ප්‍රශ්ණයක්. . මූ කොහොමද ඒ කතා දන්නෙ? කොහොම උනත් කොටාට කේන්ති ගිය වග රතුවෙච්චි මූණෙන් පේනවා. වැරදිලාවත් මූ ගිණි පිම්බොත් බස්සා බාබිකිව් ( සෝස පාට නං වෙයි,  PJ ,ඒත් බාබි නෙමෙයි බාබි-කිව්:P)

" හා ඔය කියන්නෙ, අපේ වලි-සිංහා නෝනෙ ගැන නෙව? එයා එහෙම තමා, වලියට ටිකක් ඉතර බරයි"

" ඔය කෝරනේලිස් කියන පිටරට නමක්, බොලා ඕක හිංගල කොර ගත්තට" තච වයින් උගුරක් ඇදලා ඇරපු කොටා කූල් ඩවුන් වෙලා කිව්වා. 

" ආ, එහෙම කියන්න එපැයි කොරනේලිසෝ. මචෝ, කොහොම උනත් කිඹුහුන් අරින්නෙ බලාගෙනයි. මේකෙ ඉන්න එකාලා බලා ඉන්නෙ, කොයි වෙලේ මාව කිරට, මිරිසට උයන්නද කියලා"

"හා බයවෙන්න එපා බං, හෙම්බිරිස්සාවට ඇංජිම වැඩ කොරන්නෙ නෑ, දුං විතරයි එන්නෙ. එක නෙමෙයි බස්සෝ. මේව්ව නං බොහොම හොඳ වයින්"

"පුහ්, මෙව්ව මොනවද? උඹට දෙන්ට තිබ්බෙ, අපේ පිං-පොං ගෙ අරිස්ටෙ. ගහපු ගමන් නාගසලං"

" පිං පොං? ඒ කව්ද "


"එයා කුමාරයෙක්, හැබැයි රටේ වෙදා. ඒ වගේම හොඳ ගොයියා. කොච්චෝරවත් ඉන්නෙ අමුඩෙ පිටිං, උදැල්ල කරේ තියාගෙනමයි"

"යමං කෝරනේලිස්, මයෙ නවාතැන පැත්තෙ. පොඩ්ඩක් විවේක අරගෙන , බැරියෑ ඔය උණු සුප් එකක් කාරිය බොන්න"

මකරා මෙහෙ ඇවිල්ල තියෙන්නෙ පාර වැරදිලා. GPS අප්සැට් එකක් වෙන්ටෑ? ඔය වැලීරියාව පැත්තෙ , තියන මකර ෆාම් එකක තමා මෙයා ඉඳලා තියෙන්නෙ. එහෙ මකර ගොවිතැන, කුඩා කර්මාන්තයක් විදිහට කරනවාලු.කෙලින්ම හරිත සක්තිය නෙව. ලොකු ලොකු එව්වො ඔය බොයිලර් රත් කරන්න වගේ වැඩවලට ගන්නවාලු. මෙයා වගේ පොඩි වර්ශන් එකේ අයට තියෙන්නෙ ලිප පත්තුකරනවා වගේ සිල්ලර වැඩලු.

මෙයා කැමති ඇවිදල රට තොට බලාගන්න. සර්කස් එකකට බැඳන්න තමා . එයාගෙ කල්පනාව. මොකද මේ සමහරු විස්වාස කරන්නෙ නෑ නෙව, මකරු කියලා ජාතියක් ඉන්න බව?


http://screenrant.com/how-to-train-your-dragon-2-reviews/

10 comments:

  1. බලාපොරොත්තුවන්න.... ලබන සතියේ............ දෙවනි කොටස - "How to train your dragon- Cornelius " by a thoroughly confused (and wine sodden, Hiccup) ) owl.

    කොයි තරම් බහුසෘත සම්භාව්ය (සමහර වෙලාවට මෙලෝ හසරක් අපිට නොතේරෙන ටෙක්නිකල් ) බ්ලොග් එකක්ද මේක ඉස්සර !!
    අර ටයනු රූකඩ වලට රැවටිලා පිහාටු බාබි පාට කරගෙන, බස්සෙක්ද කොට්ටෝරුවෙක්ද කියලවත් නොදන්න තරමට අනන්යතා owlකරගෙන. කසිප්පු ඩොකාලයි, නරියි ආශ්‍රය කරමින්, සිංහයන් සමග කට්ටි පනිමින්, තමන් පියාඹනවද වහලද ඉන්නෙ කියන එකවත් දන්නෙ නැතුව !!
    වුන වින්නැහිය. අනේ කාලේ haunted forest වාසේ කිව්වලු !


    ReplyDelete
    Replies
    1. // How to train your dragon //

      With or without eggs..?? ;-)

      Delete
    2. අපොයි යසට හිටිය බස්සා. දොරකඩ ගහේම හිටියනම් අහවරයි නෙව. කොහෙද මුට රජ කකුලක් වෙන්ට ඕනේ උනානේ.

      Delete
    3. //අර ටයනු රූකඩ වලට රැවටිලා//

      ගෝඩා අපි තව බලා ඉන්නේ මොකටද? යමු සටනට නේ? :D

      Delete
    4. //යමු සටනට //
      Brienne of Tar(th) ද මේ?

      Delete
    5. @ Pra Jay

      හා, ටැක්නිකල් පෝස්ට්ද ඉල්ලන්නෙ? එහෙම කියන්න ඒපැයි, දෙඤ්ඤකො, ඇස්ටි හැලෙන්න :)

      @Bura

      eggs?? තේරුනේ නෑ නෙව :(

      @Pom
      දී කිරට බළල්ලුත් සාක්කි කියන්නෙ, කට කහනවටයැ? :)

      @පොඩ්ඩි
      ගනු කඩුව :)

      @ PJ
      Brienne of Tar(th) !!!, හුටා :)

      Delete
  2. //යමං කෝරනේලිස්, මයෙ නවාතැන පැත්තෙ. පොඩ්ඩක් විවේක අරගෙන , බැරියෑ ඔය උණු සුප් එකක් කාරිය බොන්න"//
    සුප් එක කොහොම වෙතත් වෙන මොනාහරි නම් බෝවි :)

    මාවත් මතක් නොවෙන වෙලාවක් නැහැ නේ.....

    ReplyDelete
    Replies
    1. හිතේ මුල් බැහැලා තියෙන්නේ ඔයාලු මේ දවස්වල. තාම තටු ටික හොඳට තියෙනවා නේද බස්සෝ.... :D :D

      Delete
    2. //හිතේ මුල් බැහැලා තියෙන්නේ //

      තාම මුල් බැස්ස විතරයි මල්, ගෙඩි හැලෙනකොට තටුත් ඉබේම හැලෙයි

      Delete
    3. @ Sonya
      ඕය කියන්නෙ අරිස්ටෙ ගැන වෙන්ටෑ :)
      ඒක මේ ඇඟේ පතේ අමාරුවට ගන්න අවුසදයක් නෙව

      @පොඩ්ඩි
      ඔව්, වොව්, එව්ව බේරගන්න තමා මේ දත කන්නෙ :)

      @ PJ
      //..තටුත් ඉබේම හැලෙයි//
      :D

      Delete

ඔබට කමෙන්ට් ලෙස, ලින්ක් සහිත පිංතූරයක්/ වෙබ් පි‍ටුවක් දැමීමට අවශ්‍ය නම් පහත වෙබ් සයිට් එකට ගොස් අදාල කෝඩ් එක කොපිකර ගන්න.
link to the code