වින්ඩෝස් 11 bandwagon එකට පනින්න කුරුමානං අල්ලන්න ඉස්සෙල්ලා, මට හිතුනා දැනට තියෙන අටමඟුල(Windows 10) වඩා සුසර කරගත්තොත් නරකද කියලා? Windows 10 වල සමහර ප්‍රශ්ණ, උපන්ගෙයි දෝෂ. එව්වා අපට තියා, පැන්සොං ගිය ගේට්ටුවා මහතාටවත් හදන්න බෑ. ඒත් මං මේ කියන්න යන්නෙ, සැහැල්ලු ඒත් ප්‍රයෝජනවත් යුටිලිටි ඇප්ස් ගැන.
මේක එක්තරා ආකාරයක බෙදා-හදා ගැනිල්ලක්. මා ගාව තියන ඒවා මං කියඤ්ඤා, ඔහෙල ගාව තියෙන සැට් එක කොමෙන්ට් වල දාන්න ඈ?
1.
Keyman DeskTop 14.0 - completely freeතනි ඇඟිල්ලෙන් සිංග්ලිෂ් කොටන, හුදී ජනයාට මේක ජීවිත ආරක්ෂණයක්. මේක දාගෙන Sipon Phonetic Sinhala Keyboard එකත් එක්ක හාමු කරල, ෂෝට්-කට් කී එකක් දාගත්තාම, වෙන ආයෙ මොනවද?
2.
QuickLook - මම Windows Flie Explorer එකේ preview pane එකට බොහොම කැමතියි. ඒත් වින්ඩෝස් ඉස්ටෝරුවෙ
QuickLook ඇප් එක වෙනම ගේම් එකක්. Flie Explorer එකෙන් අදාල ෆයිල් එක හයිලයිට් කලා, ස්පේස් බාර් එක එබුවා, එච්චරයි. වීඩියෝ, නොයකුත් පිංතූර ෆෝමැට්, Text, PDF ඕන එකක් පෙන්නනවා. මතක ඇතුව,
GitHub page එකට ගිහිල්ලා, Office Viewer සහ EpubViewer Addon දෙකත් දාගන්න. දැන් ඉස්සර වගේ පිංතූරයක් ෆුල් ෆ්‍රේම් බලන්න ( ඔව්, ඔව් නෝටි පිංතූර තමා, ඇයි අවුල්ද?) නටන්න ඕනෙ නෑ
3. ඊළඟ එක
Jarvis . MacOS වල spothlight එක වගේ එකක්. Windows search තියනව නං තමා, ඒත් ......මේක සර්ව සම්පූර්ණ නැතිවුනාට ඊට වඩා නං හොඳයි. MIT එකෙන් එන එකක් නෙව, නරක වෙන්නෙ කොහොමද?
4. මම ඉස්සර පාවිච්චි කලේ
WinDirStat. ඒත් ඒක දැන් තවදුරටත් අප්ඩේට් වෙන්නෙ නෑ. හොඳ වුනාට, හරිම ස්ලෝ. තාම තියාගෙන ඉන්නවා, ඒත් දැන් පාවිච්චි කරන්නෙ
WizTree. නිතරම අප්ඩේට් වෙනවා වගේම, පටස් ගාලා ලෝඩ් වෙනවා. අපි හැමෝටම සමහර වෙලාවට හිතෙන දෙයක් නෙව " හෑ, ගිය සුමානෙ යස අගේට ඉඩ තිබ්බා නෙව? මොකාද යකඩෝ මගේ හාඩ් ඩිස්ක් එකේ ඉඩ ඔක්කොම කාපු බූතයා" කියලා. ආන්න ඒක බලාගන්න . කියාපු භාණ්ඩෙ තමා මෙයා.
අදට ඔය ඇති. සෙස්ස පස්සට. හා, දැන් බලලා හොර බළල්ලු වගේ ලුහුටලා යන්නෙ නැතුව, මොන හත්තිලව්වක් හරි ලියපල්ලා.
:format(webp)/cdn.vox-cdn.com/uploads/chorus_image/image/60148881/jjAIvv3.0.jpg)
මුගෙ මේ ටැක්නිකල් පෝස්ට් දකිනකොට මට මතක්වෙන්නෙ මොකක්ද දන්නව ද? මතකද අපි පොඩි කාලෙ TV එකේ ගිය Fraggle Rock මපට් එක? අන්න ඒකෙ ඉන්නවා චූටි මිනිස්සු සෙට් එකක් Doozers කියලා, බුවාලා හැමවෙලේම මොකක් හරි හද හදා තමා ඉන්නෙ. බස්සාත් ආන් එයින් එකෙක් වගේ තමා මට මැවිලා පේන්නෙ.
ReplyDeleteඒගොල්ල ඉන්නෙ කාමරේක බිත්තිය ඇතුලෙද කොහෙද නේද ?
Deleteඒ ගෙදර ඉන්න බල්ලා දකිනවා. මිනිහට දකින්න බෑ. තව යෝධයො වගයකුත් හිටියා නේද?
බලන්න ඕනෙ ගූග්ල් කරලා. ස්තුතියි මතක් කලාට.
ඇයි ප්‍රාජේ අමුතුවෙන් Google කරන්නෙ? ඔය උඩ මම ලින්ක් දාලා තියෙන්නෙ YouTube videos වලට.
DeleteYes, thank you, checked those. I like reading text part of stuff too. After watching a movie, if i have the time, I google it. Happens quite often.
Deleteමමත් කරන වැඩක්. පොතක් එහෙම කියවනකොට ඔය නොදන්න ගන් එකක්, වාහනයක් වගේ දෙයක් ගැන තිබුනොත් ඒ වෙලාවෙම ගූග්ල් කරලා බලනවා.
Deleteඉස්සර අයිතිහාසික නවකතාවක් කියෙව්වාම ඒ පීරියඩ් එක ගැන ඉතිහාස පොතක කියවනවා.
Deleteදැන් ගූග්ල් තමයි. කියවන ගමනුත් අවශේෂ චරිත, ආයුධ, සත්තු, ගොවිතැන් , මෙශිනරි, නගර , සිතියම් ඔක්කොම ගූග්ල් කරනවා. ඉතින් පොත ඉවර වෙන්න දවස් ගාණක් යනවා
හැබැයි ලඟදි ආයිත් පොතක් රිෆර් කලා , වෙන පොතක් කියවීමෙන් පස්සෙ.
Deleteබුර්තුමා කැමති වෙයි. ජෝන් ජේම්ස් ගේ වෝටාන් පොත කියවලා පස්සෙ නෝර්ස් මිතොලොජි පොතක් සම්පූර්ණයෙන්ම කියෙව්වා
https://www.goodreads.com/book/show/1741345.Votan
බුරාට බොහොම ස්තූතියි Fraggle Rock සහ Doozers ලින්ක් වලට. දෙකම බැලුවා, අදටත් කැත නැතුව රසවිඳින්න පුළුවන්. ඒකෙන්, මට ආයෙ මපට් ෂෝ හොයන්න උනන්දුවකුත් ආව.
Deleteප්‍රාජේ,
Deleteකියවන කොටම, අවශේෂ චරිත, ආයුධ, සත්තු, ගොවිතැන් , මෙශිනරි, නගර , සිතියම් පොතම පෙන්නන පොතක් තියනවා නං, මටත් සලකා බැලුවෑකි. එක්කො, ඒවගේ පොතක් එනකං ඉන්නවා.
කොහොම නමුත්, පොතක් නියම විදිහට රසවිඳින ක්‍රමවේදය කියා දුන්නාට ස්තූතියි.
If you like Nordic mythology, you'll enjoy this web comic PraJay. It's an ocean of Nordic mythology. Even the comments are highly edutaining.
DeleteStand Still Stay Silent
This is also a web comic based on Nordic mythology, from the same author.
A Redtail's Dream
Thanks so much. Recently read a Marvel comics series in which almost all the pantheons come together - Greek, Roman, Norse, Norse, Hindu, Japanese, African, south american, etc. Even Inuit !
Deleteතට්ටයා මහතාගේ උපදෙස් අනුව නං කියන්න ඕනා .................................! කියලයි, ඒත් "ජම්පින් ද ගන්" බස්සෙක් විදිහට "Norse, Norse" කියල ලියල තියෙන එක, නොදැක්කා වගේ ඉන්න අමාරුයි අප්පා. අපේ ගුරුතුමෙක් හිටියා, උන්දැගෙ නම "නෝස්වර්දි"
Deletehttps://www.pinterest.com/pin/570831321521129393/
Deleteඅපි නහය නෑ නෙව, ඒකට කියන්නේ "හොට දානවා" කියලයි.😂
Deleteප්‍රා ජේ තුමා උඩ කියා තියෙන විදිහට හාත්පස වපසරියත් එක්ක පොත් කියවීම සඳහා ඉස්සර පොත්වල අගට ගැටපද විවරණය සහ ටිප්පණියක් එකතු කිරීමේ සිරිතක් තිබුණා. මම කියවපු, ආතර් සී ක්ලාක් ගේ “ගැඹුරු මුහුද“ පොතේ අගට ඒ වගේ ඉතා දීර්ඝ ටිප්පණියක් තිබුණා.
Deletehttps://en.wikipedia.org/wiki/Embrasure
ReplyDeleteහ්ම්.....+++++++++
Deletethanku Bakamoono, WizTree නියම භාණ්ඩයක්ne, පරණ නාකි ගහ ඒපාveලා හිටිye
ReplyDeleteOහේගෙ Keyබෝඩ් එkaට Moකක් හri Weලා. Heක්..
Deleteඒක අලුත් ඉට්ටැයිල් එකේ කීබෝඩ් එකක්. බාසා දෙකෙන්ම එකපාර වදිනවා. ඔහෙටත් ඕනය එකක්?
Delete@ඇණයා
Deleteප්‍රයෝජනවත් වීම ගැන සතුටුයි. ඒත් ස්තූතිය යන්න ඕනෙ, මේවා ඇප්ස් හදලා නිකං දෙන අයටයි.
@ Praසන්ன
මේක දැකලා හොඳට ලේ පිරිසිදු වුනා😂
@ බුරා
එයැයි ගාවත් එහෙම කීබෝඩ් එකක් තියනවා. ඒකෙ බාසා තුනෙන්ම එකපාර වදිනවා.😊
මා දන්නා දේ ගැන ලියමි!
ReplyDeleteඅඩුවෙන් දන්නා දේ ගැන අඩුවෙන්ද නොදන්නා දේ ගැන ඉතාමත් අඩුවෙන්ද ලියනාතර නොදන්නාම දේ ගැන නොලියාම සිටින්න්නෙමි.
මේ පහතින් දැක් වෙන්නේ ඔබගේ අනර්ඝ පෝස්ටුව වෙනුවෙන් මා ලියන ලද කොමෙන්ටුවයි:- ...............................................................................................................................................................................................................................................................................................................................................................................................................................................................................................................................................................................................!
හෙහ්, හෙහ් ඔය ලියල තියෙන්නෙ යස අගේට. 😊
Deleteමේකෙ සිංහල කොටන්න පාවිච්චි කලේ විජේසේකර කීබොඩ් එක වෙන්ටෑ? Keyman ඕනෙ වෙන්නෙ, අපි වගේ අවශේෂ හුදී ජනයාට විතරයි.
තට්ටයා මහතා හොඳටෝ...ම කරලා.
Deleteටෙක්නිකල් කිව්වට කවුද හිතුවෙ දෙය්යනේ මෙච්චර ටෙක්නිකල් කියලා. මම නම් වැඩියම කැමති මිනිස් සම්බන්දතා, චර්යා ගැන පෝස්ට්ස් වලට (ඉට් ඩස්න්ට් මැට', හූ කෙයාස්). මේකෙ තියෙන ඉස්සර පෝස්ට්ස් කියවලා බලන්නම් හිමින් හිමින්.
හෑ, හැබෑටම යුටිලිටි ඇප්ස් තුන-හතරක් දාගන්න කිව්වාම මේක ටෙක්නිකල් පෝස්ට් එකක් වෙනවද? එතකොට, Windows Subsystem for Linux(WSL) ගැන ලිව්වොත්, ඒකට මොකක් කියලද කියන්නෙ?
Deleteඇත්ත, මටත් දැන් හිතෙනවා සාමාන්‍ය "පඳුරු තලන" පෝස්ට් හොඳයි කියලා. පරණ පෝස්ට් බැලුවට නං කාරි නෑ. ඒත් බස්සන් අතර selective memory loss disorder හරිම සුලභයි, විස්වාස නැත්නම් අහන්නකො අපේ ප්‍රාජේ ගෙන්.
නෑ ඉතින් මන් පොඩි අතිශෝක්තියකින් කිව්වෙ. ඕනෙ දෙයක් ලියන්න. මිනිස් සම්බන්දතා කියලා මම අදහස් කලේ පඳුරු තැලීම නම් නෙවෙයි. විවිධ කෝණ වලින් බලන්න පුලුවන් දේවල්.
Deleteපෙරහැරේ යනකොට පෙරහැර පේන්නෙ නැති නිසා, පාඨක ප්‍රතිචාර වටිනවා. අනික, බලන, කමෙන්ට් කරන නිසා තමයි මෙහෙම හරි ලියන්නෙ.
Delete//මිනිස් සම්බන්දතා කියලා මම අදහස් කලේ පඳුරු තැලීම නම් නෙවෙයි. විවිධ කෝණ වලින් බලන්න පුලුවන් දේවල්//
Deleteමෙවුවට කියන්නෙ නෙළුම් නෝනෙ මිනිස්-පරිගණක සම්බන්ධතා කියලා. Human-computer interactions. මෙවුවා දිහාත් විවිධ කෝණවලින් බලාන්ට පුළුවන් නෙවැ.
Buratino: ඒකත් ඇත්ත. Human-computer interactions-sounds like interesting stuff. සමාවෙන්න අද තමයි ආපහු මේ පැත්තෙ ආවෙ.
DeleteBassa: thanks for appreciating.
😊
Deleteබෑ බෑ බෑ බෑ ඉවසන්නට බෑ
ReplyDeleteඔක්කොම හුටපට හිතාගන්න බෑ
මේවා ලහියෙන් දැන ගන්නත් බෑ
ලණු කනවා නං කොහු...(කියලත්) බෑ
ඇයි සිංහල ටයිප් කරන්න Keyman ලේසි නැත්ද? නිදිත් විජේසේකර කී-බෝඩ් විශාරදයෙක් නම් අවශ්‍ය වෙන්නෙ නෑ. ඉස්සර මම Singreesi වල ටයිප් කරලා, ගෙනැල්ලා අලව,අලව හිටියා. දැන් Keyman වලින් කෙලින්ම සිංහල ටයිප් කරනවා
Deleteඅහලා බලන්නම් keyman ගැන, දැන් නං singlishවලින් (google input tools) කොටන්නේ. එච්චර අවුල් නෑ. බ්ලොගය කරන්න ගත්තට පස්සෙයි මේ සේරම හුරු වුණේ....
Deleteමමත් කාලයක් google input tools පාවිච්චි කලා, මොකක් නමුත් හේතුවක් නිසා Keyman සහ Phonetic Sinhala වලට මාරු වුනා.
Deleteඅර කීමෑන් නං හොඳටෝම ප්‍රෙයා්ජනයි. අනික් ටිකත් කරල බලන්නං. පට්ට ඈ.
ReplyDeleteබයි ද වේ, කීමෑන් ඇඩෝබි වලට හරි යයිද?
ඔව් කීමෑන් මටත් ලයිෆ් සේවර් එකක්. මගේ හොට්-කී එක Cntl+S. ඇන්නා ඒකට සිංහල, ආයි ඇන්නාම ඉංග්‍රීසි. ටිකක් පුරුදු වෙනකන් "අං. අඃ " වගේ අකුරු හොයන්න, සිංහල කී-මැප් එක පෝස්ට් එකේ අගට ඇමිනුවා
Deleteඇඩෝබි කියන්නෙ අමුතු සතෙක්, සිංහල ඇලපිලි, පාපිලි වලට මනාප නෑ. ගූගල් කරල බලන්න, කලම්බු කැම්පස් එකේ ෆොන්ට් කන්වර්ටරයක් තිබුනා, මලිති,මානෙල් වගේ ෆොන්ට්, ඔක්කොම ඇඩෝබි වලට හරවන. දැන් පාවිච්චියක් නැති නිසා, දෙන්න පුළුවන් ටිප්ස් විතරයි.
හ්ම්ම්... ෆොන්ට පරිවර්තකය නං දැනං උන්නා. දැනටත් තියෙනව ඒක. කමක් නෑ, මං ක්ෂුද්‍රමෘදු වචන එකේ ටයිප් කරල, ඇඩෝබියට කොපි කරන්නං...
Delete