වින්ඩෝස්11 24H2 අප්ඩේට් එක

වින්ඩෝස්11  24H2 අප්ඩේට් එයි කියල බලාගෙන හිටියට ආවෙ නෑ. මගේ තියෙන්නෙ ක්ලීන් වින්ඩෝස් ඉන්ස්ටෝල් එකක් නෙමෙයි. මදර් බෝඩ් වර්ග තුන හතරක් මාරු කරලා, ඒ මදිවට "free apps"ඉන්ස්ටෝල් කරලා අනවශ්‍ය ප්‍රොසෙස් එහෙමත් තියෙන සිස්ටම් එකක්. සැරින් සැරේ ඔව්වා, සුද්ද බුද්ද කරලා සිස්ටම් එක සෑහෙන ස්මූත් ලෙස රන් වෙන්න හදාගත්තට, ඉඳහිට ඇක්සිඩන්ට් නොවෙනවමත් නෙමෙයි. ෆයිල් එක්ස්ප්ලෝරර් එකේ iso ෆයිල්ස් මවුන්ට් වෙන්නෙ නැතුව ගියා. 24H2 අප්ඩේට් එක බාගෙන, බලෙන්ම ඉන්ස්ටෝල් කලාම හරි ගියා.

මිනිස්සු බැන්නට, මට නං 24H2 අප්ඩේට් එක හොඳයි. ෆයිල් එක්ස්ප්ලෝරර් එකේ සමහර UI features  වැඩි දියුණු කිරීම, compression formats එකතු කිරීම මම දකින්නෙ හොඳ දේවල් විදිහට. WinRAR  හොඳ වුනාට කාලෙ පැන්නම කරදර කරන්න ගත්ත නිසා අයින් කලා. 7zip මට හරි ගියේම නෑ. දැන් 24H2 අප්ඩේට් එකත් එක්ක දැන් ඒවා ඕනෙ නෑ.

අද Giveaway of the day සයිට් එකේ පහල තියෙන free apps දෙනවා. නිකං දෙන ඒවා එක්ක, කුණුත් එන නිසා මේවා හැමෝටම හරියන්නෙ නැති එක ඇත්ත. ඒත් උලත් එකයි, පිලත් එකයි වෙලා ඉන්න අටවන බාස්ලට මෙයින් ප්‍රයෝජනයක් නැත්තෙමත් නෑ . මම Ashampoo WinOptimizer 26, Winxvideo AI, DupInOut Duplicate Finder, Ashampoo Backup Pro 17, Wise Care 365 දාගත්තා. 

Backup Pro 17 වල incremental backup තියනවා, ඒත් හරිම ස්ලෝ Macrium Reflect එක්ක බලනකොට. අනිත් ඒවා ඒ හැටි අවුලක් නෑ, විශේෂයෙන්ම Wise Care 365 ප්‍රයෝජනවත් වින්ඩෝස්වල අනවශ්‍ය ප්‍රොසෙසස් හොයන්න. සාමාන්‍යයෙන් මේ වගේ දේවල් ඉන්ස්ටෝල් කරන්න පෙර බැකප් එකක් ගන්න කියන එක තමයි, මට දෙන්න ඇහැකි උපදේසෙ. එහෙනං හැමෝටම ප්‍රීතිමත් නත්තලක් හා සුභ අලුත් අවුරුද්දක් වේවා!

Christmas Calendar Giveaway !

(ඡායාරූප සහ වීඩියෝ අන්තර්ජාලයෙනි)