 |
| ආ නංගේ...රවුමක් යංතේ? |
රට වටිනා ලිය දෙල් නෙලනා...
මේ බොලාට, මේකෙ පොඩි අවුලක් තියනවා කියල හිතෙන් නැහ්ද? නිකං "රෙඩ් ෆ්ලෑග්" වගේ? උඹහෙලට කියන්න, අම්මපා මට නං එහෙම හිතිල තියනවා. නෑ, නෑ දෙල් ගහක් ලඟදී නෙමෙයි, නාන පොකුණක් ගාවදී.
මම පට්ටම ආස සිංදුවක් ඕක.
ලියන්න කියල මෙලෝ දෙයක් නෑ. එහෙන් අල්ලපු ගෙදර තට්ට උකුස්සාගෙ කෙනහිලි. අපේ ලොක්කා නං අවුලක් නෑ, කෝටුවෙ ගිය ඉබ්බා වගේ අයින හපාගෙන තමයි ඉන්නෙ. සහයට ඩැනී - යුරෝ යූනියන් එක ඉන්නවලු. අනේ මන්දා, බඩු මිල නං වැඩි වෙනවා මිසක් අඩු වෙන්නෙ නෑ. මගේ සරල ජීවිතේට ඒ හැටි බලපෑමක් නං නෑ ඉතිම්.....
ඔය ගීතය, ඌවේ ජනකවි ආශ්‍රයෙන් ලියවුන එකක් විදිහටයි කියවෙන්නෙ. බදුල්ල දිස්ත්‍රික්කය හා මොණරාගල දිස්ත්‍රික්කය අයිති වෙන්නෙත් ඌවට. එතකොට බිංතැන්න ඒකත් ඌවටම තමයි. බලාගෙන ගියාම අපේ නිදියත් ඌවෙ හූරෙක්. ඌව ගැන සම්පූර්ණ බ්ලොග් එකක් මෙතන:
ඌව පළාත -Blog by: Pulasthi Wanniarachchiඌවේ ජනවහර,ජනකවි, ඌවේ කැරැල්ල, කිවුලේගෙදර මොහොට්‌ටාල, තව ආදිවාසීන්ගෙ විස්තර ඔක්කොම ඒකෙ තියනවා.
පිදුම: නමියාගේ "වර්ගපූර්ණිකා" පෝස්ට් කෑල්ලට
ලස්සන කවි පන්තියක්:
ReplyDeletehttps://malsithroo.blogspot.com/2026/09/blog-post_30.html
පොඩ්ඩක් ගිහින් වැටක්වත් ගහල ආවොත් තමා හොඳ. දැන් අපේ බ්ලොග් ලියවෙන්නෙ, අවාරෙට වැටෙන කජු ගානටයි. අපි ලියන ටික දෙනාවවත් උනන්දු නොකෙරෙව්වොත්.......
මට නං ලියන්නට නිමිති ඕනි තරං - වෙලාව තමයි අඩු.
Deleteඅනෙක බස්සා මහත්තයෝ, යමක් කරන්න රූටින් එකක් තියා ගත්තම ඒ වැඩේ කෙරෙන්න තියෙන සම්භාවිතාව වැඩියි- මට නං.
ලිවීමේ කලාව ඔබතුමාගෙ ජානවල තියෙන දෙයක් වෙන්න ඕනෙ. ඒක අපි දෙගොල්ලටම වාසිදායක දෙයක්. අපට අපූරු කතන්දර සෙට් එකක් රස විඳින්න, රෙසිපි, ජීවිත අත්දැකීම්/උපදේස ලැබෙනවා. ඔබට මොලේ වෙහෙසන ව්‍යායාමයක් සහ ලෝකෙට යම් දෙයක් දුන්න චිත්ත ප්‍රීතිය ලැබෙනවා. ඔහොම යං!👌💐🫠
Deleteඔය දෙල් නෙලන එකෙයි මහ මුහුදෙ බහින එකෙයි සම්බන්ධෙ මට තාමත් හිතාගන්න බැරි උනා.
ReplyDeleteඔය පත්තුවේ වැසියො ලොකු වැව් වලට සමුද්‍රය කියනව නේද? එහෙම අදහසකින් කිව්වද, නැත්නම් නිකම්ම රයිම් වෙන්න කිව්වද මන්දා?🤔 සොරබොර වැව ගැනත් කියවෙන නිසා, ඔය සාවියෙ දෙලුයි, මූදයි එකට යන දේවල් නං නෙමෙයි කියලයි හිතෙන්නෙ. ඒත් රත්ගම, බලපිටිය පැත්තෙ නම් බලමාලුයි, දෙලුයි , පොලුයි ඔක්කොම තියනවා. ඒත් වැව් නම් නෑ.
Deleteමේකෙ යූ-ටියිබ් වීඩීයෝවෙ කමෙන්ට් වල එකෙක් අහනවා "ලොකු ප්‍රශ්නයක් තියෙනවා. මේකෙ මහ මුහුදේ බැස දිය නාන්නෙ දුවද අම්මද? කොහොමද හරියටම දැනගන්නෙ?" කියලා😮🤣🫠
// රත්ගම, බලපිටිය පැත්තෙ නම් බලමාලුයි, දෙලුයි , පොලුයි ඔක්කොම තියනවා. ඒත් වැව් නම් නෑ //
Deleteගාලු කොටුවෙ වැව් බැම්මේ - ඈත පෙනෙන සිතිජ ඉමේ
පාට සරුංගලයක හැඩ බලාන ඉන්න..
කියලා සිංදු ලිවුවෙ ඇයි එතකොට?
ඒකෙ "ගාලු කොටුවෙ ගල් බැම්මේ" කියල නෙමෙයිද කියන්නෙ?
Deleteපැය 7 ගියා නමියගෙ සින්ඩියට එන්න. සිංහල වියුණු එකතුවට, තමයි කලින් ආවෙ. මගේම බ්ලොග් රෝලට ආවෙ අන්තිමට. සමහර බ්ලොග්,පබ්ලිෂ් කරලා පැයෙන් සින්ඩි වලට ඇවිත් තිබ්බා. තාම ගූගල්ගෙ අවුල සම්පූර්ණයෙන්ම සුව නෑ, ඒත් ටිකක් හොඳ අතට හැරිලා තියනවා. සිංහල බ්ලොග් කොහොමත් අසාධ්‍ය තත්ත්වයේ ඉන්නෙ. ඒත් ඉතිං අපියි කියලා වෙන මොනවා කරන්නද?
ReplyDeleteමේ දවස්වල ගීත වල අයිතියට මරාගන්න හින්ද හිතුනේ මේ වගේ ජනකවි ආශ්‍රිත ගීත වල අයිතිය කාටද?
ReplyDeleteබසුතුමගේ හා නි.පා. තුමන්ගෙන් අවසරයි.
Deleteවිශ්ව සාහිත්‍යය අනුව ලෝක ජන ගී, ජනප්‍රවාද, ජනවහර කියන ඒවා folklore හැටියට ගැනේ. Folklore හෙවත් ජනශ්‍රැතිය යනු යම් කණ්ඩායමක් සතු, බොහෝ විට පරම්පරාවෙන් පරම්පරාවට ව්‍යවහාරයෙන් දායාද වූ ගී, කතා, චාරිත්‍ර සහ විශ්වාසයන්ගේ එකතුවයි.
නිහඬපාලතුමා ජනකවි ආශ්‍රිතව ලිව්වත්, ගීයේ රචකයා, සංගීතඥයා සහ ගායකයා තුන් දෙනා අතරම සාධාරණව බෙදී යන්න ඕනෙ කියන එකයි මගේ අදහස. ඔය "සාධාරණ" කියන එක සාපේක්ෂයි. නැවත, නැවත ගායනා කිරීමෙන් ගායකයාත් සෑහෙන බරක් අදිනවා. එක වරක් දායක වුනත් රචකයා නැත්නම් සින්දුවක් නෑ. එතකොට සංගීතඥයා නැත්නම් ඒ සිංදුව ජනප්‍රිය වෙන්නෙත් නෑ.
Deleteඅනේ බුදු සෑර්, මම ඔය රැබිට් හෝල් එක දිගේ යන්න අදහසක් නම් නෑ.😋
ගල්මල්තුමාව සාදරයෙන් පිළිගන්නවා. ස්තූතියි Folklore- ජනශ්‍රැතිය විස්තරයට. මගෙත් කැමතිම විශයක් ඒක. 👌
Deleteසම්මතය folklore ගනය යටතේ එන හැම අංගයක්ම තනි කතෘ කෙනෙකුට හිමිකම් තියෙන දේවල් නොවේ. එනිසා ජනකවියත් එහෙමයි, අපේ රටේ ක්‍රමයට පලාතානුබද්ධයි.
Deleteරෑයාමේ ලියද්දි මේක අතෑරිලා නෙවැ.
ගල්මල් තුමාගේ දැනුම එකතුකිරිම ගැන ස්තුතියි. සමාවෙන්න බස්සා මහත්මයා ඔබතුමාව ඔය rabbit hole එක ඇතුලට තල්ලු කරන්න හිතුවේ නැහැ.
Delete//රෑයාමේ ලියද්දි මේක අතෑරිලා නෙවැ// ගල්මල් තුමා කියන මේ දේ පැහැදිලි මදි .
නිහඬපාල මහත්තයා, එහෙම අවුලක් නෑ. ඔබතුමා කිව්ව වගේ, මේ දිනවල ගීත වල අයිතිය ගැන ලොකු හාහෝවක් යනවා. වැඩියක්ම කිය වෙන්නේ සමහර ගායකයින් ගෙන්, ගීත රචකයාව නොසලකා හැරීම් ගැනයි. සමහර රචකයො කියනවා, සල්ලි එපා අඩුගානේ ලිව්වෙ අපිව මතක් කරන්න කියලා. ඒ අතරේ, කතෘභාගය වෙනුවෙන් එකවර මුදලක් ගත්ත රචකයො කියනව එහෙම මදි කියනවා. මේක දැන් සාල වනයක් වේගනයි එන්නෙ.😵💫
Deleteපාරට කිට්ටුව ගීත රචකයා ගැනත් ඒ හැටි ප්‍රසිද්ධියක් ලැබිලා නෑ. "පාරට කිට්ටුව" වගේම "දුම්බර මිටියාවත පැත්තේ" ගීතයත්, තව උපාලි කන්නංගරයන් ගායනා කරන සුප්‍රසිද්ධ ගීත රැසක පද රචනය සිදුකර ඇත්තේ විමල් ලොකුලියන මහතායි
උපාලි කන්නංගර මහත්තයා කියන්නේ ඉතාම දක්ෂ බේස් ගිටාර් වාදකයෙක් වගේම හොඳ ගායකයෙක්.
ReplyDeleteඅසූව දශකයේ ලංකාවේ ඉහළින්ම වැජඹුණු සංගීත කණ්ඩායමක් තමයි Superstars. ඒ කාලේ එළිමහන් සංගීත ප්‍රසංග වේදිකාවේ රජ කළ කණ්ඩායම් අතර Superstarsලාට තිබුණේ සුවිශේෂී තැනක්. උපාලි කන්නංගර මහත්තයා තමයි ඒ කණ්ඩායමේ බේස් ගිටාර් වාදකයා වුණේ.
පසුකාලීනව ඔහු Superstars කණ්ඩායමෙන් ඉවත් වෙලා ස්වාධීන ගායකයෙක් විදිහට තමන්ගේම සංගීත ගමනක් ආරම්භ කළා. ඒ කාලයේ ඔහු කැසට් පට දෙක තුනක්ම නිකුත් කළා මතකයි. මේ ගීතයත් ඒ අතරින් එකක්.
විශේෂයෙන්ම සිරස FM වගේ ගුවන්විදුලි නාලිකා හරහා ඒ ගීතවලට එකල හොඳ ජනප්‍රියත්වයක් ලැබුණා.
උපාලි කන්නංගර කියන්නේ ගායකයෙක් විතරක් නෙවෙයි, අපේ සංගීත කණ්ඩායම් සංස්කෘතියේ එක් යුගයක් නියෝජනය කළ දක්ෂ වාදන ශිල්පියෙක්.
හුම්. දැනුමට යමක් 👌
Deleteගෙලේ රන්මාල දා හැඩවී, දුම්බර මිටියාවක පැත්තේ... වගෙ ටිකක් ෆාසට් බීට් සිංදු තිබ්බ ගායකයෙක්. කලකට කලියෙන් මියැදුනා මයෙ හිතෙ!
ලංකාවට රූපවාහිනිය ආපු මුල් කාලේ ජාතික රූපවාහිනියේ ගිය නන්දන වින්දන සහ ITN එකේ ගිය මධුරසංග වැඩසටහන්වල බොහෝ වෙලාවට සංගීතය සැපයුවේ Super Stars වාදක කණ්ඩායම. ඒ කාලේ ඔවුන් ඉතාම ඉහළ මට්ටමක හිටපු වාදක කණ්ඩායමක්.
DeleteSuper Stars කණ්ඩායම මෙහෙයවූයේ අර්නස්ට් සොයිසා. ඒ කණ්ඩායමේ දක්ෂ සංගීතඥයන් රැසක් හිටියා. සරත් ද අල්විස්, උපාලි කන්නංගර, නේසන් ත්‍යාගරාජා වගේ නම් ඒ අතර විශේෂයි.
ඒ කාලේ රූපවාහිනී සංගීත වැඩසටහන්වල නිතර දකින්න ලැබුණු අනෙක් ප්‍රධාන වාදක කණ්ඩායම තමයි ස්ටැන්ලි පීරිස්ගේ Fortunes කණ්ඩායම. මහින්ද බණ්ඩාර, රාජු බණ්ඩාර වගේ අතිදක්ෂ ගිටාර් වාදකයන් Fortunes කණ්ඩායමත් එක්ක සම්බන්ධ වෙලා හිටියා.
රූකාන්තත් ස්ටැන්ලි පීරිස්ගේ ගෝලයෙක්. ඔහුත් ඒ සංගීත පරපුරත් එක්ක බොහොම සමීපව කටයුතු කරපු කෙනෙක්.
ඇත්තටම ඒ කාලේ අපි රූපවාහිනියෙන් දැක්කේ ගායක ගායිකාවන් විතරක් නෙවෙයි. ඔවුන් පිටුපස හිටපු මේ අතිදක්ෂ වාදකයන්ගේ සංගීත ප්‍රතිභාවත් අපට රසවිඳින්න ලැබුණා.
මේ දවස්වල කාංචනා අනුරාධි ගායනා කරන නිසා අලුත් පරපුර අතරත් ජනප්‍රිය වෙලා තියෙන ‘කරකාර බඳින්නට කාලේ හොඳා’ ගීතයත් උපාලි කන්නංගරගේ ගීතයක්
Deleteමයියා සහ නමී දෙන්නටම ස්තූතියි මේ වැදගත් විස්තරයට. 🙏💐
Deleteටැංක්ස් ඉතිං... මාව ටැග් කරලා තියෙනවට.
ReplyDeleteඇත්තටම ඔය සිංදුවේ තේරැම මොකක් වෙන්ටැතිද කියල කාලෙකට කලින් මටත් හිතුන. සරල පද පෙළක්... ඒත්. සමාරවිට දෙල් කඩලා හිට කෙල්ල නාන්න යන්නැති මූදවගේ ලොකුවට හදලා තියෙන වැවකට 😁🤗
බොගේ ඒ පිංතූරෙ දැකලා තමයි මේ සිංදුව මතක් වුනේ. බ්ලොග් අප්ඩේට් අවුල චෙක් කරන්නත් එක්ක ලියපු පෝස්ට් කෑල්ලක් තමයි ඉතිං. 🫠
Deleteමට හිතෙන්නේ මේ වගේ පබැඳුම් අර්ථ රසයට වඩා ශබ්ද රසයට වැඩි ඉඩක් දීලා ලියවෙන ඒවා කියලයි.
Deleteඔව්, මටත් මේ සිංදුවෙ ඉස්සෙල්ලාම හිතට වැදුනේ තාලය තමයි. ඊට පස්සෙ පැරණි ගැමි ගතිය වගේ කැමති හැඟීමක් ආව මිසක්කා, කෙලී ගස් නැග්ගෙ ඇයි? කෙක්කක් තිබ්බෙම නැහ්ද? ගහෙන් බැහැපු ගමන් මූදෙ නාන්න ගියාද? ගමයා කෙල්ලො නානවා හොරෙන් බලන්න ආසද? වගේ ප්‍රශ්ණ ඔලුවට ආවෙම නෑ.🤔
Delete// ගමයා කෙල්ලො නානවා හොරෙන් බලන්න ආසද? //
Deleteගමයා කිවුවෙ අර, කොළඹ එක්කෙනා ද?
අපොයි නෑ. ඒ ගම මහත්තයා සිංහලේ යන්නෙ නෑ, ලෝකෙ වටේ යන නිසා. උන්දෑ පොර් කුකුලා.😋
Deleteමේ වෙන අහිංසක ගමයෙක්.
පෝස්ටුව රසයි වෙනස නිසා දෝ ජනවහර, ජනකවිය නිසාදෝ වෙන්කරලා කියන්න බැරි තරම් රසයි. සිංදුව ලස්සනයි. ඔබ හරි, එය ඌව ජනකවි මුල්කරගත් පදරචනයක්. අපේ මුල්කාලේ බ්ලොග් එකක් ගී පැදුර, වරක් ඒ ගැන ලිව්වා මතකයි.
ReplyDeleteවසර කීපයකට කලින් මුහුණුපොත සමූහයක විවිධ ජනවහර, ජනකවි ගැන මම වැඩ කටයුතු කරා, ඒක වෙනම ඉන්ටරස්ට් එකක්. ජනකවිය වෙනම මානයකට අරන් යන්නේ. හැබැයි, මේ කලාව ගැන පොත පත, ලිපි ලියවුන ද ඒ හැම ඇකඩමිකල් සර්කල්වලට සීමාවෙනවා වගේ දැනෙනේ. ජනකවි පැවතෙන්න නම් ඒ වෙනුවෙන් රසිකත්වයක් ඇති කරන වැඩපිලිවෙලක් අවශ්‍යයි, ඒත් ඊට රුකුල් දීමක් ඇද්දැයි සැකයි. ජනකවිය නව නිර්මාණ වලට මුහුන් කරන්න ඔපෙනේ, ඒක වෙන්නේ අල්ප වශයෙන්.
ජනකවි, ජනප්‍රවාද, ජනකතා හැම එකම ඒකරාශී කරලා විශ්ව සාහිත්‍යය folklore හැටියට නම් කරනවා. බටහිර වගේම මැදපෙරදිගත් ඒ අංශය ගැන තවම උනන්දුවක් තියෙනවා, ඉන්දු-පකිස්තාන කලාපයේ ගසල් folklore වලට වෙනම වැලිව් ඇඩිෂන් එකක් මං හිතන්නේ.
පහුගිය දවසක පර්සියානු ජනකවියක් ගැන පෝස්ටුවක් මම කරා. ඒ වගේම පර්සියානු කලාපයට මායිම් වුන පරණ රුසියානු රාජ්‍යයන් වල ද වෙනම ජනකවි කලාවක් තියෙනවා.
බොහොම ස්තූතියි මේ දීර්ඝ විස්තරයට. ගී පැදුරේ මේ ගීතය ගැන ලින්ක් එක:
Deletehttps://geepadura.blogspot.com/2014/07/parata-kittuwa-del-gasa-mudune-upali.html
//වසර කීපයකට කලින් මුහුණුපොත සමූහයක විවිධ ජනවහර, ජනකවි ගැන මම වැඩ කටයුතු කරා, ඒක වෙනම ඉන්ටරස්ට් එකක්//
ඇර මාටින්! බලාගෙන ගියාම ඔබතුමා අදහන්න වටින ඇත්තෙක් නෙව? කිලික් වැඩි කරගන්න AI ස්ලොප් වලින් ඉතිහාසය විකෘති කරන මේ යුගේ, මේ වගේ පැරණි දේවල් ගැන හොයා බලනවා කියන්නෙ පට්ට වැඩක්. ඒ තොරතුරු සංරක්ෂණය කරන්න, සටහන් කරපු ලින්ක් එකක් එහෙම නැත්ද්?🙏💐
ඔබතුමාගෙ කමෙන්ට් එක නිසා මගෙත් "ලිවීමේ බාධකය" ඉවත් වුනා වගේ තේරෙනවා.🫠
fb group: කවියක අනුහස
DeleteLink: https://web.facebook.com/groups/596577862209626
මේ ටැග් යටතේ බලන්න:
#වදනක_පෙළහර
#ජනකවි_මිහිර
තෑන්ක්ස්. තව දාහක් වටිනවා. මම ඒ ගෲප් එකට ජොයින්ට් වුනා. 👌💐🙏🫠
Deleteකාලෙකට පස්සෙ ඩීන් අයියාව දකින්ට ලැබීමත් සතුටක්..
Deleteඑතුමා තමයි මේ ටෙස්ට් කරන්න ලියපු පෝස්ට් කට්ට වෙනම මානයක ගේන්න මූලික වුනේ. 🙏
Deleteහේනක පැල් රකිමින් සිටි ගොවියෙක් වෙත පැමිණි යක්‍ෂණියක්‌ ගොවියා අමතා මෙම කියූ ඌවේ ජන කවිය:
ReplyDeleteඈත එපිට පස්‌සර වත්තේද බුලත්
ඊට ඉණක්‌ කන් මඩලාපු පල් පුවක්‌
කස්‌තුරි, කපුරු, පිණිදිය දාපු සුණු ටිකක්
බුලත් විටක්‌ දෙනවද රාල දැන් මටත්
රූමත් කාන්තා වෙසක්‌ ගෙන පැමිණියත්, මේ අවේලාවේ පැමිණ ඇත්තේ යකින්නක්‌ බව අවබෝධ කරගත් ගොවියා යක්‍ෂණියගේ කවියට දෙන පිළිතුරු කවිය:
ආතා බූතයෙන් ආවද තෝ අ ඩී
ආත බූතයෙන් ආවොත් බැටේ දෙ මී
තිගේ පියා දැවු සොහොනත් මම දනි මී
අංජනම් දේවිගෙන් තිට බැට දෙව මී
තමා කවුරුන් දැයි අවබෝධ කැරගත් නිසා තව දුරටත් ගොවියා සමග දොඩමළු වීමට බියවූ යක්‍ෂණිය නිමේෂයකින් අන්තර්ධාන වී ඇතැයි ද කියති.
ලස්සන හිමවතේ මා වී පැසෙන්නේ
Deleteදුක් දෙන අලි ඇතුන් පන්නා දමන්නේ
රැක්මෙන දෙවියනේ වෙල බත් බුදින්නේ
දුප්පත්කම නිසයි මා පැල් රකින්නේ
එළිවෙලා කුකුළු අඬලන වේලාවේ
රෑ වෙලා මොණරු ගස් යන වේලාවේ
බාල ළමුන් ගෙයි සැතපෙන වේලාවේ
කෑරලා අඬයි දොරකඩ මාරාවේ
කන්දේ ගලේ වී වැපුරුවෙ මනා වයි
ඒක කන්ඩ කක්කුට්ටන් දෙබා නයි
පොල්කිච්චා හිස පීරන පනා වයි
බට්ටිච්චට හිර දෙඩුවා හිනා වයි
දුම්බර කෙතට වැට බැදලා රැකුම් බැලුම්
මහවැලි ගඟේ දිය ගලලා කෙතට ගිලුම්
පෙම්බර ලියන් කර ඔසවා බලන බැලුම්
තුම්පත් රටාවකි දුම්බර කෙතේ නෙලුම්
එක් බටු දෙබටු තුන් බටු සාර පස් බටු
නියං කලට මල් සැදෙනා තිත් බටු
එරටින් එකෙක් ඇවිදින් ඉල්ලුවේ බටු
සිව් පද කියන්නට බැරිනම් අහන් හිටු
post එක නිසා සිද්ද වෙලා තියෙන යහපතක් මයෙ අප්පා... ආයෙ ඇස්වහක් කටවහක් නෑ දෙයියෝ.
Deleteඔව්, ඔබතුමාත් ඇතුලුව අපේ හිතවත් පාඨකයො නිසා ගූගලයාව ටෙස්ට් කරන්න දාපු පෝස්ට් කොටේ, නොහිතුවම, ඒත් පට්ට ඉන්ටරස්ටින් පැත්තකට හැරුනා.🫠
Deleteබස්තුමා ඇණ ගලවන්නෙත් අර ගොවියා වගේ කවියෙන් තමයි
Deleteහා, හා කිරිකෝඩු හොට,හොට.......😋🤣
Deleteසොර බොර වැවට වැදි ජනයා හා සාමාන්‍ය ජනයා හෙම මුහුද කියල කියන්නේ . මම ලුණුගල ඉස්කෝලේ යන කලේ මුහුද අදකාල තිබුනේ මමයි තව එක ලමයෙකුයි විතරයි . මට මතකයි ළමයි මුහුද ගැන අහනවා
ReplyDeleteඔව් ලොකු වැව්වල පොඩියට රැල්ලත් ගහනවා. පානදුරේට කිට්ටු අපේ සාවියෙත් වැව් නැති වුනත් විල් හතක් තිබ්බලු. අද තියෙන්නෙ ඒ විල් වල නමින් ඇති ගම් විතරයි. මහවිල, එළුවිල ....ඉතුරුවා මතක නෑ
Deleteඔය සිංදුවේ කියන පැත්ත "වැව් බැඳි රාජ්ජෙ" කියල නේද හැඳින්නුවේ?
//විල් හතක්
Deleteඅඩ්ඩා, එකක් මෝදරවිල
හරියටම හරි. ඒක නේද පුරවලා ගෙවල් හැදුවෙ? බෙල්ලන්විල වුනත් ඒ හැටිම ඈතක් නෑ කියලයි හිතෙන්නෙ.
Deleteතුන්බෝවිල (පිළියන්දලට අයිති එක ගමක්) මම පොඩි කාලේ ඒ විල (ටිකක් වගුරකුත් වගේ ) වටේ බෝගස්තුන මොනවද කියලා පෙන්නන්න පුලුවන්ව තිබුනා කියලා තාත්තා කිව්වා. දැන්නං විල පෙන්නන්නත් බෑ හරියට. ඒ තෙත් බිම බෙල්ලන්විල / අත්තිඩියට කනෙක්ට් වෙලා තියෙන්න ඇති ඉස්සර, තාමත් පොඩ්ඩක් විතර කනෙක්ශන් බොරුපන හරහා තියනව. මම පොඩිකාලෙ තුන්බෝවිල කුඹුරු සමහර කාලවල වගා කරන්න බෑ කරදිය එන නිසා.
Deleteපානදුරේ වැව් නැතිවුනාට බණ්ඩාරගම තියනවනෙ බස්තුමා.
Deleteහරියට හරි, පොකුණුවිට, වැල්මිල්ල වැව, උයන්වත්ත වැව, වෑවිට වැව වගේ වටේම තියනවා. ඒත් ඒවා වැව් වලට වැඩිය පොඩි විල් කියන එකයි මගේ අදහස.
Deleteකරදිය එන කුඹුරු, සමහර කාලවල වගා කරන්න බැරි එකට විසඳුම මෙයාල ලඟ තියනවා. චීනෙ තානාපති කිව්ව, කරදියේ වවන වී තාත්සනේ චීනෙ තියනව කියල. අපේ අපේ කුරිසි-කර්ම සහෝදර ඇමතිතුමා මීක් කිව්වෙ නැතුව විරිත්තන පින්තූරයක් පත්තරේ තිබ්බා. හප්පේ ඒ සිරියාවන්ත හිනාව දැක්කම බඩ පිරෙනවා.
රුසියානු ජනකතා හා ජන ගී බොහොමයක් තිබෙනවා . ඒවා හරි මාරු . බබයගා යකින්න ගැන . ඉවනුෂ්ක දුරාචොක් ගැන කවි සින්දු හෙම නගර ගම්මාන උළෙලවල් වල අහල තිබෙන . මේක හැමෝම දන්නා එකක් . කාලින්කා https://www.youtube.com/watch?v=LDUGgiv4JrQ
ReplyDeleteහරිම ලස්සනයි. අනේ ඉතිං මෙච්චර ලස්සන රටක්/ සංස්කෘතියක් නෙව, මේ යුද්දෙ නිසා .......හ්ම් 😞
Deleteඔබතුමා මිසින් වෙලා හිටි ටික කාලෙ, අපට ඒ අඩුව දැනුනා. ඒ කාලෙම තමයි බ්ලොගර්ගෙ RSS අවුලත් ආවෙ. ඒ නිසා පාඩුවකුත් නෑ, බලාගෙන ගියාම.
//
Deletehttps://www.youtube.com/watch?v=HdX1pmIYrnA
එක වචනයක් නොතේරුණත් රිදම් එක මරු.
තුති අජිත්
https://www.youtube.com/watch?v=WP9a-OTn2QA
ReplyDeleteඅහා! ලස්සන නැටුම. අර පිටිපස්සෙ බිත්තිය පුරාවට තියෙන්නෙ ඕගන් එකක බට නේද? අම්මපා, එකවුස්ටික් නියමෙට ඇති නේද?
Deleteගල්මල්-Coral කලින් කිව්ව වගේ, මේ ජනවහර, ජනකවි අපව වෙනම මානයකට අරන් යනවා.
ReplyDeleteහිතන්නකො මෙහෙම: ඉස්සර කාලෙ ගමරාළ කෙනෙක් දුර ගමනක් යනවා. ඒ කාලෙ කිව්වෙ "සිංහලේ" යනව කියල, ඔය වගේ වැව් බැඳි පත්තුවේ ගමන් වලට , මහිතේ. අතේ බත් මුලක්.
පඳුරු තැලීම( RIP රවි )- බත් මුල
ඈත අතීතයේ ශ්‍රී ලාංකිකයන් දුර කතර ගෙවා යන දිගු ගමන් (වන්දනා ගමන් හෝ වෙළඳ ගමන්) සඳහා සූදානම් කරගත් බත් මුල "ගැට බත් මුල" හෝ "මඟ දිගට කන බත් මුල" ලෙස හැඳින්වුණා. එකල ශීතකරණ හෝ කල්තබා ගැනීමේ රසායනික ද්‍රව්‍ය නොතිබූ බැවින්, දින කිහිපයක් යනතුරු නරක් නොවී පවතින පරිදි බත් මුල සකස් කිරීමට ඔවුන් සුවිශේෂී සාම්ප්‍රදායික ක්‍රමවේද භාවිත කළා.
අතීතයේ දුර ගමන් සඳහා බත් මුල සකස් කළ සුවිශේෂී ආකාරය මෙන්න:
1. කල්තබා ගත හැකි වෑංජන තේරීම
නරක් වීමට ප්‍රධාන හේතුවක් වන දියර ගතිය (හොදි) සහ පොල්කිරි භාවිතය සම්පූර්ණයෙන්ම වළක්වා තිබෙනවා.
• බැදුම් වර්ග: තෙල් දමා හොඳින් කරකරගත් කරවල බැදුම, හාල්මැස්සන් බැදුම .
• ඇඹුල් තියල්: මාළු කල්තබා ගැනීම සඳහා ගොරකා සහ ගම්මිරිස් බහුලව යොදා සකස් කළ මාළු ඇඹුල් තියල්.
• වියළි සම්බෝල: දියර ගතිය රහිත, හොඳින් බැදගත් ළුණු, අමුමිරිස් සහ උම්බලකඩ දැමූ ළුණු සම්බෝල හෝ කට්ට සම්බෝල. ( අපි කුඩා කාලෙ වන්දනා ගමන් වලට පොල් මැල්ලුමක්, සීනී සම් බෝල එහෙමත් තිබ්බා. ඒවා නං එක දවසෙ ගමන්)
• බැදපු එළවළු: අළු කෙසෙල් වැනි එළවළු පෙති ගැඹුරු තෙලේ බැද එකතු කිරීම.
2. කෙසෙල් කොළය පදම් කිරීම සහ සුවඳ
• බත් මුල එතීමට ප්‍රථම කෙසෙල් කොළය ළිප් ගින්නෙන් හෝ උණු අළුවලින් ලාහ ගනු ලබනවා (තවා ගනු ලබනවා). මෙයින් කොළය නම්‍යශීලී වී ඉරී යාම වැළකෙනවා පමණක් නොව, කෙසෙල් කොළයේ ඇති ස්වාභාවික විෂබීජ නාශක ගුණය සක්‍රිය වී බත් මුල නරක් වීම ප්‍රමාද කරනවා.
• උණුසුම් බත් කෙසෙල් කොළයේ එතූ විට කොළයෙන් නිකුත් වන සුවඳ බතට සුවිශේෂී රසයක් එකතු කරනවා.
3. බත් මුල ඇසිරීමේ කලාව
• බත් මුල දිග හැරීමට අපහසු දුෂ්කර ගමන්වලදී පහසුවෙන් අතින් ගෙන කෑමට හැකි වන පරිදි, බත් සහ වෑංජන එකට හොඳින් මිශ්‍ර කර (Anointed/Mixed) තද කර ඔතා ගැනීමට එකල කාන්තාවන් වගබලා ගත්තා.
• ඇතැම් විට බත් පිසීමේදීම රතු කැකුළු බතට දියකරගත් ලුණු වතුර සහ සූදුරු, මහදුරු වැනි කුළුබඩු එකතු කර පිසීම සිදු කළා.
4. සුරක්ෂිතව ගැට ගැසීම
• බත් මුල පන් මල්ලක හෝ රෙදි කඩක දමා, පසුව කෙසෙල් පට්ට හෝ වැල් වර්ග (උදාහරණයක් ලෙස නියඳ වැල්) භාවිත කර "කුරුල්ලෙකුටවත් ලිහාගත නොහැකි" වන සේ ශක්තිමත් ගැටයකින් බැඳ තබනවා. ගමන පුරාම බත් මුල ආරක්ෂිතව පිටේ හෝ අතේ එල්ලාගෙන යාමට මෙය උපකාරී වුණා.
ආ දැන් එමුකො කතාවට. ඕන්න අපේ මඟියා , ඇටි කුකුලා බුහ් ගහන ජාමෙ, කුකුලවත් කිහිල්ලෙ ගහගෙනම ගමන පටන් ගන්නවා. යන මඟ දෙපස රූස්ස කැලේ. යන පාරේ පිංතාලියක් තිබ්බොත් වතුර බොනවා. නැත්නම් දොලක්, දියපාරක් හෝ උල්පතකින් වගේ ගලාගෙන යන වතුර තමයි බොන්නෙ
Cont....
//"සිංහලේ" යනව කියල, ඔය වගේ වැව් බැඳි පත්තුවේ ගමන් වලට
Deleteබකුස් පැති දෙකක් නෙවිද මේ
මේ සිංහලේ කියන්නේ ඌව පළාත නේද
වැව් බැඳි පත්තුව කියන්නේ රජරට පැත්තට නේද
ඔව්, ඔබ හරි. මම ෆැක්ට් චෙක් කලේ නෑ. ලියාගෙන ගියා මිසක්කා.
Delete//වැව් බැඳි පත්තුව (නැතහොත් වැව් බැඳි රට) යනු ශ්‍රී ලංකාවේ වියළි කලාපයට අයත්, විශේෂයෙන්ම රජරට සහ ඒ අවට පැරණි වාරි ශිෂ්ටාචාරය කේන්ද්‍ර කරගත් කෘෂිකාර්මික ප්‍රදේශ හැඳින්වීමට භාවිත වන සාම්ප්‍රදායික නාමයකි - ජෙමනායි//
ලිවිල්ලයි වැදගත්.හොඳ ලියවිල්ලක්නං fact අපි check කරනවා :-) :-) :-)
Deleteහෙහ්, හෙහ් රොම්බ තෑන්ක්ස්. ඔහෙට කියන්න සිරිබිරිස් උන්නැහේ, මම මේ ලියපු ටික ගූගල් ජෙමනායිට දීලා කිව්වා කතාවේ ඉතුරු ටික කියන්න කියලා. මෙන්න උන්දෑ ලියපු එක:
Deleteඕන්න අපේ මඟියා, ඇටිකුකුළා බුහ් ගහන ජාමෙ, කුකුළවත් කිහිල්ලෙ ගහගෙනම ගමන පටන් ගත්තා. යන මඟ දෙපස රූස්ස කැලෑව. මහ ඝන මූකලාන මැදින් වැටුණු අඩිපාර දිගේ ගමරාළ අඩි ඉක්මන් කළේ ඉර මුදුන් වෙන්න කලින් කැලෑ පාර පහුකරගන්න හිතාගෙන. අතේ තියෙන බත් මුලෙන් වහනය වෙන, අර ලාහපු කෙසෙල් කොළේ සුවඳයි, බැදපු කරවල කෑල්ලෙ සුවඳයි මුළු කැලේ පුරාම විහිදෙනවා වගේ ගමරාළට දැනුණා. ඒ සුවඳට බඩගින්න තවත් වැඩි වුණත්, "තව ටිකක් දුර ගිහින්ම බත් මුල ලිහනවා" කියලා ඔහු හිත හදාගත්තා.
හෝරා කිහිපයක් ගෙවිලා යද්දී ඉර රැස් ගස් අතු අතරින් බිමට වැටෙන්න පටන් ගත්තා. ගමරාළගෙ නළලෙන් මුතු කැට වගේ දාඩිය බිංදු කඩා හැලෙනවා. මඟ දෙපස තිබුණු පිංතාලියක් ළඟ ඔහු නතර වුණා. ඒත් පිංතාලියේ වතුර ඉවර වෙලා. "කමක් නැහැ, ඉස්සරහට යද්දී දොළ පාරක් හම්බවෙයි" කියලා හිතපු ගමරාළ ආයෙමත් ගමන පටන් ගත්තා.
වැඩි දුරක් යන්න හම්බවුණේ නැහැ, ඈතින් සලසල ගාන වතුර සද්දයක් ඇහුණා. ගල් කුළු අතරින් ගලාගෙන යන සීතල දිය දහරක්! ගමරාළ දොළ පාර ළඟට ගිහින්, දෝත පුරා වතුර අරන් මූණ කට හෝදාගත්තා. කූඩැල්ලෝ ඉන්නවද කියලා බලලා, දෝතින්ම සීතල වතුර උගුරු කිහිපයක් බීලා පිපාසය නිවාගත්තා. බඩගින්න නං දැන් ඉවසන්නම බැහැ.
ඔහු දොළ පාර අයිනේ තිබුණු ලොකු කුඹුක් ගහක් මුල වාඩි වුණා. කරේ බැඳගෙන ආපු පන් මල්ල බිමින් තියලා, ඒක ඇතුළේ තිබුණු බත් මුල අතට ගත්තා. නියඳ වැල්වලින් දාපු ඒ ශක්තිමත් ගැටය ලිහද්දීම, අර කෙසෙල් කොළේ තැම්බිච්ච සුවඳයි, ගොරකා දාලා හදපු මාළු ඇඹුල් තියල් සුවඳයි, කරකරපු හාල්මැස්සන් බැදුමේ සුවඳයි එක පාරටම පරිසරයට මුදාහැරුණා.
ගමරාළ පරිස්සමට කෙසෙල් කොළය දිග ඇරියා. ගෙදරින් පිටත් වෙද්දී ගෙදර උදවිය බතයි වෑංජනයි එකට අනාformat කරලා, තද කරලා ඔතලා තිබුණු නිසා බත් මුල තිබුණේ හරියට කැටයක් වගේ. එක බත් පිඩක් අරන් කටට දාගත්ත ගමරාළට දැනුණේ දිව්‍ය භෝජනයක් කනවා වගේ හැඟීමක්. ලුණු වතුරයි, කුළුබඩුයි දාලා උයපු රතු කැකුළු බතේ රස කෙසෙල් කොළේ සුවඳ එක්ක මුසු වෙලා අපූරු රසක් දුන්නා. එක දවසක් නෙවෙයි, දින ගාණක් වුණත් නරක් නොවී තියාගන්න පුළුවන් මේ "ගැට බත් මුල" තමන්ගේ මුතුන් මිත්තන්ගේ දේශීය ඥානය කොච්චරද කියලා ගමරාළට ආයෙමත් මතක් කරලා දුන්නා.
බත් මුලෙන් බාගයක් කාලා, ඉතිරි හරිය ආයෙමත් පරිස්සමට ඔතලා පන් මල්ලට දාගත්ත ගමරාළ, දොළ පාරෙන් ආයෙත් වතුර උගුරක් බීලා හිස් බුලත් විටකුත් කටට දාගත්තා. කුකුළා තවමත් කිහිල්ලේ.
"දැන් ඉතින් සිංහලේට යනකල්ම හිතටත් ගතටත් හොඳ පණක් තියෙනවා," ගමරාළ තමන්ටම කියාගනිමින්, හිරු රැස් තද වෙන්න කලින් ඉතිරි මඟ ගෙවන්න ආයෙමත් අඩිපාරට පිළිපන්නා.
යකඩෝ ඒ අය්යා නියමයිනේ.පොරට කුකුලවත් මතක තිබිලා :-) :-)
Deleteඅය්යාව ට්‍රේන් කරවලා තියෙන්නෙ අපේ යක්ඛ පුත්තුද මන්දා? . උන්දැට "කිහිල්ලෙ කුකුලා" මෙමෝ එක තාම ඇවිත් නැති පාටයි.🤣
Deleteමගේ හිතේ තිවුනෙ, ගමයා දෙල් නෙලන කෙලීව දැකලා "කව්දැ බොලේ මේ ඇලිස්" කියල විචිකිච්චාවට සිංදුව කිව්වා කියල ලියන්නයි දැන් පේන විදිහට, කුකුලෙක් කිහිල්ලෙ ගහගෙන ගමයා සිංහලේ යන්නෙ තොවිල් ගෙදරකට කියලයි මට හිතෙන්නෙ:-)
මේ පෝස්ට් එකේ කොමන්ටු දකිද්දි, කියවද්දි මතක් වෙන්නේ සිංහල බ්ලොග් පීක් කාලය, එකට එකක් අදාල කරුණු වෑහෙනවා. ඒ ෆීලිං එක දුන්න, ලස්සන, හරබර කතිකාවක් ඇති කර පෝස්ටුවට මල් මිටක්.
ReplyDeleteඔබතුමාටත් බොහොම ස්තූතියි. අනිත් හිතාදර පාඨකයොත්, විශේෂයෙන්ම ඔබෙනුත් ලැබිච්ච දායකත්වය නිසා තමයි මේ සාකච්චාව වර්ණවත් වුනේ. 💐👌
Deleteඅහා! සිංහල බ්ලොග්වල පීක් කාලය. මතක් වෙනකොට තනි ඇහැට ඇඞෙනවා දොරේ. හ්ම්.. මෙහෙම හරි ඒ ෆීලින් එක ආ එකම මඳැයි?
මේ සිංදුවට මමත් කැමතියි. ඇත්තටම මම කැමති හේතුව තමයි මේ ගායකයා සාමාන්‍යයෙන් මිහිරියි කියලා පිළිගැනෙන, රොමෑන්ටික් සිංදුවලට ගැලපෙනවා කියලා සම්මත (උදා රූකාන්ත, අතුල අදිකාරි, සුපුන් වගේ) කටහඬක්ම නැති වුණත් ඔහු මේ සිංදුවලට දෙන අමුතු ෆීල් එක. පොඩි ජොලි ගතියක් එක්ක දෙන ඒ පන්ච් එක හරිම සිත් ඇදගන්නා සුළුයි. (මේ සින්දුව අහන්න ගිහිල්ලා දැනගත්තෙ "ඉවසිල්ලක් නෑ දකින තුරා.." සිංදුව කියන්නෙත් මොහුමයි කියලා).
ReplyDelete'රට වටිනා ලිය' මේ දවස්වල සින්ගපෝර් නේද?? බස්සාට එයාව මතක් වුණේ මක්කෙයි 🤔😉
හෙහ්, හෙහ් 'රට වටිනා ලිය' මේ දවස්වල සින්ගපෝර්. 😋🤣
Deleteමේ පෝස්ට් එකට අඩුවකට තිබ්බ හිනාවක් අපට ගෙනාවට ඔබට ස්තූතියි.👌💐
මමත් බින්තැන්නේ හාදයෙක්!
ReplyDeleteඋඩින් තිබුණු commentsවලින් උත්තේජනය වෙලා බදුල්ලට ආවේනික කෑම ජාති දෙකක් ගැන කියන්න හිතුණා.
1. කොල්ලු මාළුව
කබලේ බැදගත් කොල්ලු (පොල් මුඩු ටිකකුත් එක්ක) කුඩු නොවෙන්න කොටාගෙන උයාගන්න මේ වෑන්ජනේ හොරෙන් එහෙම උයනවා බොරු. ඒ තරමට සුවඳයි. ඉස්සර බදුල්ලේ කසාදියකදී මඟුල් මේසෙට කොල්ලු මාලුවකුත් තියනවාමයි....
තව දාහක් වටිනවා. නිදිටම හිතිලා මෙහෙම සූප-රස රහස් වට්ටෝරු දෙනවා කියන්නේ ආයෙ මොනවද?
Deleteදැන් ඉතිං හොයපංකො කොල්ලු?😋🤣
ඇයි බොලං Horse gram කියලා හොයකො. ඔය දකුණු ඉන්දියානු/ දෙමළ කඩවල අනිවා ඇති.
Deleteතියනවා, තියනවා. දැන් ගූගල් නිසා හොයා ගන්න අමාරු නෑ. මෙහෙ තියන Bulk Barn වගේ "ධාන්‍ය" කඩ වල, ග්‍රොසරි වල හොයන්න ලේසියි. බාගදා ලංකාවෙ දෙමල කඩ වල, අපේ නමින්ම තියනවා. ඒත් ඉන්දියානු කඩවල් තිබ්බත් තියෙන්නෙ උන්ගෙ බාසාවෙන්.
DeleteThis comment has been removed by the author.
Deleteපොල් මුඩු? නෙවිල්ටත් දුන්නද, නිමල්??
Delete@ DGMB,
DeleteAsk a Barn owl.
or visit a farm barn; don't approach the horses from behind though, unless u need a knee replacement already, or u aren't happy with the way u smile currently.
Barn owls? No thanks, those are big-ass owls. Don't like loud, farting horses either.😋
DeletePra Jay මහත්තයා දන්නවැයි පොල් මුඩුත් එක්ක කොල්ලු කොටන්නේ ඇයි කියල. කොල්ලු ටික ඕනිවට වඩා කුඩු වෙන එක නවත්ත ගන්නයි.
Deleteඔය කිව්වට මට විස්වාස නෑ. වංගුව කෙලින් කරපු එකේ වාඩුව ගන්න, නෙවිල්ට පොල්කුඩු බස්නෙ දුන්නා වෙන්න බැරිද?😋
Delete2. මඤ්ඤොක්කා කොළ මැල්ලුම
ReplyDeleteහීනියට කොටා ගත්තු මඤ්ඤොක්කා කොළ ටිකක් පැත්තකින් තියාගෙන, තිබ්බටු ගෙඩි ටිකකුත් ඒ වංගෙඩියේම දාලා යන්තමට කොටා ගන්නවා. කැමතියි නං කොච්චි කරල් ටිකකුත් එකතු කර ගත්තෑකි.
මේ මැල්ලුමට පොල් දාන්නේ නෑ!!!!
පොල්තෙල් ටිකක් යහමින් වළඳකට දාලා තෙල් රත් වුණාම කපාගත්තු රතුළූණු හරි බී ළූණු හරි ටිකක් බැද ගෙන ඒකට අබ ඇටත් දාලා බැදෙන්න අරින්න. ඊළඟට වේලිච්ච මිරිස් කරල් තුන හතරකුත් කෑලිවලට කඩලා ඒ බැදුමටම දාලා බැදුනාම අර තලාගත්ත තිබ්බටුත් එකතු කරලා කූරු ගාගන්න. ටිකක් බැදුනාම කොටාගත්තු මඤ්ඤොක්කා කොළ ටිකත් එකතු කරලා හොඳින් තැම්බෙන තුරු කූරු ගාගන්න ඕනි.
පදමට ලුණු එකතු කරගෙන, කරපිංචා කොළ ටිකකුත් මැල්ලුමට දාලා කවලම් කරනකොට පැත්ත පළාතටම සුවඳත් ගහයි!!!!
අනිත් මැල්ලුම් හදනකොට වගේම මේක හදනකොටත් කහ කුඩු දාන්නේ නැතුව හදන්න. උයනකොට වළඳ පියනකින් වහන්නත් එපා.
තිබ්බටු මෙහෙ තියනවා. මඤ්ඤොක්කා තියනවා ඒත් කොළ ෂුවර් නෑ. කඩේ ගියාම මඤ්ඤොක්කා කොළ වලට ගන්න ආදේශකයක් බලන්නම්. වැදගත් දේ මේ රෙසිපියයි. මම ගුණ හින්දා තිබ්බටු මාලුව කාලා තියනවා, ඒත් මට ඒ හැටි අල්ලලා ගියේ නෑ. මෙහෙම හැදුවොත් වෙනසක් දැනෙන්න ඉඩ තියනවා.
Deleteමම බීට්රූට් හිදෙන්න හදනවා, තෙල් යන්තම් දාලා පොල්කිරි නොදා. අර ලූනු කැරමලයිස් කරනවා වගේ යන්තම් වතුර, තෙල් සේසයක් දාලා. පස්සෙ තමයි දුරු-තුනපහ, කරපිංචා දාන්නෙ. ඒක නං පට්ට රහයි. දැන් ගෙනැත් තියනවා rutabaga. ඒකත් ඒ වගේ හදන්නයි කල්පනාව.
මේ රෙසිපිය දුන්නාට බොහොම පිං!
බකුසුතුමෝ,
Deleteතිබ්බටු හාල්මැස්සෝ එක්ක තෙල් දාලා බලන්න- තත්කාලී ගෙඩියක් එහෙම දාලා...
හාල්මැස්සොයි තක්කාලියි එකට දාලා හදන එක එච්චර හොඳ වැඩක් නෙවී නේ ද නිදි? යලට මහට වගේ නං කමක් නෑ ඉතින්.
Deleteහෑ මම ඔය ඇහැව්වමයි. හාල්මැස්සොයි, තක්කලි හොද්ද එක්ක ඉඳිආප්ප මැරුවෑකි නෙව?
Deleteතක්කාලි වල තියෙන ඔක්සලික් අම්ලය හාල්මැස්සන්ගෙ තියෙන කැල්සියම් එක්ක ප්‍රතික්‍රියා කරලා කැල්සියම් ඔක්සලේට් හදන්ට පුලුවන් නෙව බසු. කැල්සියම් ඔක්සලේට් කියන්නෙ මුත්‍රාශයේ ඇතිවෙන ගල් වල තියෙන ප්‍රධාන සංඝටකයක්. ඒකයි එහෙම කියන්නෙ මම දන්න තරමට.
Deleteඔවුවා ඉතින් බඩජාරිකමට නිතර නිතර කන්නැතුන් පමන දැන කෑවට කමක් නෑ. එහෙමත් නැත්තං මොකක්ද ජීවිතෙන් ඇති පලේ?
හරියටම හරි කොයි දේත් ඕනවට වැඩිය හොඳ නෑ.
Deleteඒත් අපේ බොහෝ විස්වාස (ඉඟුරු-මඤ්ඤොක්කා , තක්කාලි - හාල්මැස්සො) වගේ දේවල පොසිබිලිටි එකක් තිබ්බත්, ඒ හැටිම අවදානමක් නෑ කියලයි ජෙමනායි කියන්නෙ. ඒත් AI hallucination සහ නිතරම වෙනස් වෙන විද්‍යාත්මක අර්ථදැක්වීම් ගැනත් සැලකිල්ලට ගන්න වෙනවා. තෑන්ක්ස් 🙏
Buratino මහත්තයෝ,
Deleteඉඳහිට අක්කපාන කොළ සම්බෝල හදලා කනවා නං මුත්‍ර ගල් ගැන බය වෙන්ට කාරී නෑ.
මේ comments තීරුව නං හෙණ උගුලක්.
Deleteතිබ්බටු හදාගන්න විදිහක් මතක් කළාම 'හාල්මැස්සෝ හොදි ගැන කියලා. ඒවා කියෙව්ව වෙලේ හිට කට පිස්සු වැටිලයි ඉන්නෙ.
හාල්මැස්සොයි හතරට කපපු අර්තාපල් අලයි තක්කාලියි එකට දාලා දිය කිරෙන් තම්බලා- යහමින් උකුවට හදාගත්ත මිටිකිරිත් එකතු කරලා, තෙල් පෑදෙන්න උයපු හොද්දක් එක්ක ඉඳියාප්ප ටිකක් හෙටානිද්දම නොකෑවොත්... බබාගේ කණ කුණු වෙනවා ෂුවර් එකටම.
comments තීරුව උගුලක් නේන්නං? ඒකටම තමුන්නැහේගෙ සූප-ශාස්ත්‍ර රහස් වට්ටෝරු ටිකත් ආවම, ආයෙ මොනවද, ජාඩියට-මූඩිය වගේ.😁
Deleteසිංදුව, බිංතැන්න අතරෙ එහෙ වාස දේසෙ ගැනත් සඳහනක් දාල නෙ.
ReplyDeleteහුම්. මෙහෙත් එහෙමයි. බඩු මිල හීන්සීරැවේ ඉහළට යනො වගෙ තමා. නස්රැදීන් කීව කතාව තමා. එහෙත් එහෙමද?. මෙහෙත් එහෙමයි!
ඉතිං මෙහෙත් එහෙම නේ?
Deleteසින්දුවනං රයිම් වෙන්න ලියල වගේ හිතෙන්නේ. ඔරිජිනල් ඌව ජන ගීය හොයාගත්තොත් ඔය අවුල
ReplyDeleteආවේ කොහෙන්ද කියල හිතාගන්න පුළුවන් වේවි.
ඌව වෙනම ලෝකයක්.
නෑ යකුන්,තොට මුට්ටි, තනිවීම නිසා හැදිච්ච මහා සංස්කෘතික ගබඩාවක්.
ලින්කුවට තුති බකුස්.
අම්මපා සහතික ඇත්ත. ඒක වෙනම ලෝකයක්. මට අත්දකින්න බැරි වුන එකක් තමයි, ඔය වගේ ලංකාවෙ වෙන පලාත්වල ජන ජීවිතය. සයිමන් නවගත්තේගම කාලයක් එහෙම හේනේ පැලක හිටිය කියලා අහල තියනවා.
Deleteමම මේ අපේ නිදියගෙ සූප ශ්‍රාස්ත්‍ර රහස් වට්ටෝරු ටික කොටාගන්න මෙච්චර නහයෙන් අඞන්නත් එක හේතුවක්.😋
බස්සා සහ සිරිබිරිස්.. :-D
Deleteඅර ප්‍රාජේ මහත්තයා හෙම මේ පැත්තෙ ආවෙ නෑ බසු? දැක්කොත් මතක් කොලා කියන්ට..
ආන් උන්දෑ හිටු කියලා කිඹුහුං අරිනවා😋🤣
Deleteආ... රූකඩ උන්නාසේ ! අර මං පහල ලිව්වා ඔබවහන්සේ තුන්ගොං කරත්තෙන් බදුල්ලෙ ගිය හැටි
Delete// හේනේ පැලක හිටිය කියලා අහල තියනවා.
Deleteඅප්පා කියන්න දේවල් එමටයි එතුමා ගැන.වතාවක් කීවලු අපරාදේ පහේ ශිෂ්‍යත්වේ පාස් වෙලා ගමෙන් එලියට ආවේ කියල
ඔහුගේ අසමසම කලා හැකියාව ඒ අත්දැකීම් නිසා තවත් වැඩි වෙන්න ඇති. හොඳට කෑව, බීවා සහ තවත් දේ කලා. ජීවිතය හොඳින් එන්ජෝයි කලා. 😋
Deleteඌවේ ජනකවි ගැන රූකඩතුමා දන්නව. එතුමා එහෙ හිටියද මොකක්ද කිව්ව වගේ මං අර මයියංගන බදුල්ල දර කරත්තවල ගොනා ගැන කිව්ව වෙලාවක.
ReplyDeleteTrainee/spare bull
Deleteමට මතකයි ඩබල් ඇන්ජින් කරත්තෙ පස්සෙ ගැට ගහගෙන යන ට්‍රේනී-ඔන් ද ජොබ් වස්සා නේද?🤣😋
Deleteමතක විදියට කන්ද නැග්ම වැඩිනන් තුන්වැන්නවත් ඉස්සරහින් බඳිනවා අදින්න first gear එකේම.
Deleteතන්ඩලේ වචනේ ඇවිල්ල තියෙන්නෙත් Tandem නිසාලු
කරත්ත භාෂාව:
Delete• හෝව් / හෝව් පුතා: කරත්තය හෝ ගොනුන් නතර කිරීමට.
• ජඃ / ජඃ පුතා: ගොනුන්ට ඉදිරියට යාමට විධානය දීමට.
• මක උඩ: දකුණට හැරවීමට හෝ දකුණු පසින් ගමන් කිරීමට.
• පිට උඩ: වමට හැරවීමට හෝ වම් පසින් ගමන් කිරීමට.
• හෝව් කොටියා: ගොනා නොනැවතී වේගයෙන් දුවන විට හෝ කේන්ති ගිය අවස්ථාවලදී නතර කර ගැනීමට
තව ඉතිං ගොනාගෙ දෙපරැන්දට කෙවිට දාලා බූස්ට් එකක් දෙන ක්‍රමවේදයකුත් තියෙනවා.
නාන ලිඳේ ගෑණු, දෙල්ගස් නැගපු කෙල්ලො ..
ReplyDeleteහ්ම්ම් තව මොනවද අඹතලේදි වුනේ, රටෙනුත් යන්න?
අඹතලේ හැසිරීම තමයි බස්සව නරක් කරල තියෙන්නෙ.
Deleteමම හිතන්නෙ ඔය සින්දුව අහපු කිසිම එකෙකුට අර වගේ ප්‍රශ්න ඇතිවෙලා නෑ කියල. හැක්..
@Pra Jay
Deleteමට මේ නිකමට හිතෙන්නෙ, මම අඹතලේ ඇන්කර් එක දැම්ම නං මොකක් වෙයිද කියලා. තටු කපලා කූඩු කරන එක නං බුදු ෂුවර්. එහෙනං බස්සා නෙමෙයි වස්සා, කෙලින්ම කුඹුරට.....
කොහොමද දිය රෙදි නඟා, පස්ස වන,වන කුඹුරට ඇඹුල අරන් එනකොට....
@ Praසන්ன
Deleteඅඹතලේ වැසියො කියයි බෝ-පැලේ වගෙ අහිංසක පක්සියා කියල.
මට මතකයි වංගියක් නිදියාද කොහෙද පොදු නාන පොකුණක් ගැන කියපු කතාවක්. නාන පොකුණක් තිබිල තියෙන්නෙ පාරක් අද්දර. එතන බෑවුමක් සහ වැලමිටි වංගුවක් තිබ්බලු පහල. වංගුවට පහල වෙලක්. නාන ලඳුන් බලන්න ඔලුව හරෝපු, සමහර ඩැයිවර්ලට වංගුව අමතක වෙනවලු. මාසෙකට වාහන, දෙක තුනත් වෙලේ කියලත් කිව්වා වගේ තමයි මතක.
කිව්වා නේන්නං. ඒක තියෙන්නේ පන්නිපිටිය ඇරැව්වල පාරේ. නෙවිල්ගේ RZ සයිකලේ යනකොට ඒ වැලමිටි වන්ගුව කෙලින් වෙච්චි. නෙවිලුයි මෝටර් සයිකලෙයි වෙලේ. මං එයාලට වැඩිය උඩින් ඉස්සරහට ගිහිං වෙල මැද්දට වැටුණේ ගෙම්බා පොළොවේ ගැහුවා වගේ.
Deleteමැවිලා පේනවා.මුලින්ම නෙවිල් කන පිරෙන්න අහගන්නවා ඊට පස්සේ ඩබල හිකි හිකි ගගා හිනා වෙනවා. පරණ රජ පාරක වෙච්චි ජොලි වැඩක්.
Deleteමට නං මැවිලා පේන්නෙ, අර කාටුන් වල වගේ නිදියා ගුවන්ගත වෙලා , වෙල මැද්දෙ ගෙම්බා පොළොවේ ගැහුවා වගේ වැටිලා ඉන්න හැටි.😋
Deleteවැටිලා ඉන්න හැටි!
Deleteවැටිච්ච ගමන් මං නැඟිට්ටා. එදාත් වාසනාව මගේ පැත්තේ. තැලීම් විතරයි. ලේ බිංදුවක් ගලන සීරීමක්වත් නෑ!
නිදි වැටිච්ච ගමන් මං නැඟිට්ටා කිව්වම මට මතක් වුනේ. ලඟදී ගෙදර ගහපු බල්ටි වලට පස්සෙ, ඒ ගැන යම් ආරක්ෂක ක්‍රමවේදයක් අනුගමනය කලාද?🙏
Deleteහප්පේ මේක සෑහෙන දුර ගිහිල්ලනෙ.
ReplyDeleteබ්ලොගර් කාරය මට රීඩින් ලිස්ට් එකේ මක්කවත් පෙන්නන්නෙ නෑ තාම.
උපාලි කන්නංගර කියන්නෙ මාත් ආසම ගායකයෙක්.
එයා පටංගද්දි තිබ්බ අව්‍යාජත්වය දිගටම තියා ගත්ත කෙනෙක්.
ආන්න ඒක නෙව. මං ඒත් බැලුව ඔබතුමා පරක්කු ඇයි කියල? අපේ නීතිය කරවන හූරත් එන්න පරක්කු වුනා. ඒකට මොකෑ, ඇවිත් දුන්න කමෙන්ට් දෙවිල්ලක් රම්පෙට පොරි විසික්කා වෙන්න.🤣😋
Deleteබ්ලොගර්ගෙ සින්ඩි අපඩේට් වෙන එක ටිකක් හරි ගියාට, තවම ලෙඩා. අපේ බ්ලොග් රෝල් වල් අප්ඩේට් කරන්න හොරයි.
උපාලි කන්නංගරයන් ගැන ඔබ කිව්ව දේ සමඟ මාත් එකඟයි
කලින් පෝස්ට් එකට කොමෙන්ට් 147 ක්.
ReplyDeleteකාලෙකින් කොමෙන්ට් 100 පන්නපු පෝස්ට් එකක් දැක්කෙ.
මේක පොස්ට් කොටයක්. ඒත් බැරිවෙන එකක් නෑ 100 කිට්ටු කරන්න.🫠
Delete97 වෙනි කොමෙන්ටෙක.
Deleteමම ම ලියපු කමෙන්ට් තමා වැඩි. ඒත් මොකෑ, ඔන්න 100 යි. 🫠
Deleteඔව් ඉතින් බදුල්ල ඌව පැත්තේ කොල්ලෝ තමා ගේමක් ගහන්නේ කොහෙත්
ReplyDeleteහෑ තමුන්නැහෙටත් ආදීවාසී නෑඳෑකමක්වත් තියෙනවද? 😮
Deleteමේ ඇත්තන්ගේ කැදැල්ල කොයි දේපොළේද? කැලෑ පොජ්ජෙන් මංගච්චපු එක හොඳමයි.😋