Jul 27, 2011

හැලපෙට, දෙ-හැලපයක් කාපිය, මයෙ මොකද?

මටත් හිතුනා ආයිබෝං, ඔන්න ඔහේ හුරතලේටත් එක්කලා පෝස්ට් එකක් ලියලම දාන්ට. ඔහෙලා දන්නව නෙව, බස්සා දුක් මහන්සිවෙලා, රෑ පැල් ‍රැකලා, චෙරි-බෙරි කොටාබාන පක්ෂියා වග. එහෙම සතෙකුට, බෙනේටම කූඩුවෙලා ඉන්ට පුළුවනෑ. ඒ වංගියෙ ඌ කතා පොජ්ජ දැම්මා , ඔය හුස්ම ගන්න පොඩි ඉඩක්, අනික් බෙනයකට දෙකකට හොට දාලා, හැලපයක් දෙකක් කොටාබෑමේ මූලික බකුසු අයිතිවාසිකං ලබාගන්ට. හුටා, ඔය උඩිංම දාලා තියෙන්නෙ ලැබිච්චි බිබික්කම තමා!

මේක ඔරිජිනල් කවියේ කතාව මෙන්න මෙහෙමයි:

 ඉස්සර කාලෙ හිටියලු author unknown කියල කවියෙක්. මුන්දෑ හොඳ රජ වංසෙ කුකුලෙක්ලු, හොර කො‍ටු පනින්න දෙයියලු. ඔහොම කො‍ටුවක් පනින්න මානපු වෙලාවක තමයි, මේ කවිය කියල තියෙන්නෙ.

මිනි මිනි පොදේ ගණ අඳුරේ කෑ මදුරු
බල්ලෙක්‌ ඉඳ බුරයි ඌගේ ගති නපුරු
කෙල්ලක්‌ ඉඳන් දොර නාරියි ඇගෙ නපුරු
මල්ලක්‌ කදුරු කන්නෙමි විගස දොර අරු

එදා පොටේ නං උන්දැට කෙලවෙලා, කොට්ටෝරුව වගේ කොටාගෙන, කොටාගෙන ගිහින් කෙහෙල් ගහට කෙ‍ටුව වගේ. මෙන්න ලැබිච්ච උත්තරේ:

අට පහ නො දන්නා තෝ කාගේ කවුද
බසක්‌ නැතුව එන්නට කීවේ කවුද
ගහක්‌ නැතුව දළු ලියලන්නේ කොහෙද
මල්ලට දෙමල්ලක්‌ කාපිය මට මොකද

දැං මේක පටලවාගෙන , හිතනව එහෙම නෙමෙයි, බස්සා හොරකො‍ටු පනින්න ගිහින් කෙලෝගෙන කියලා. බස්සො එහෙම නෑ, ඉල්ලුවෙ ඉඳලා හිටලා හැලපයක් කොටාබාලා එන්ට චෑන්ස් එකක් විතරමයි. හා, දැං ඔහෙලම කියන්ට බලන්ට ඒක අසාධාරණද? ( හා, මට පේනවා, අපේ සාධාරණ මුදියන්සේලාගේ ලෙංචිනා දත, කට මැදගෙන ඉන්නවා, උත්තර දෙන්ට). මේ අලකලංචිය උනාම මට මතක් වුනේ තව කවියක්:

පායන්නේ තරිඳු ලොව එළි කරන මෙනී
රෑ එන්නේ ළඳේ නුඹ වෙත ලොල් වෙමිනි
නාරින්නේ මෙමා පූරුවෙ කළ පවෙනි
ගෑනුන්නේ අරුමෙ දැනුනේ මට නුඹෙනි


මං මේ කවි සැට් එක ඉස්සුවෙ මේං මෙතනින් -  සිංහල ජන කවියේ ශෘංගාර රසය


http://www.chitranandaabeysekera.org/ArticlesonSinhalaPoetry.html

බලාන්ට වටින ලිපියක්...


ප:ලි: මේ මොන කයි-කතන්දර කිව්වත් මට අන්තිමට කියන්න තියෙන්නෙ:

"මෙවන් කීවත් ලඳේ මෙසේ - සුපුන් සඳ ඔබ තමයි මගේ" කියල තමයි. ඔය Ricky Martin කියල ගොයියෙක් ඕක ඉංගිරිස් වලට පරිවර්තනය කලා නෙව , මේං මෙහෙම:

She never drinks the water, makes you order French champagne
Once you've had a taste of her, you'll never be the same
But she'll take away your pain
Like a bullet to your brain

-livin la vida loca (living on the wild side)- 

16 comments:

  1. // "මෙවන් කීවත් ලඳේ මෙසේ - සුපුන් සඳ ඔබ තමයි මගේ" //

    කවුද බොලේ මෙවන්..!!?? මෙවන් නෙවේ බං 'ලෙවන්'.. ලෙවන් කියන්නෙ ලෝකයා කියන එක.. අච්චර අපූරුවට ප්‍රේමකීර්ති ලොක්කා ලියපු පදේ කෑවනෙ උඹ.. :)

    ReplyDelete
  2. ඕක තමා නොදන්න ඒවා නොකියා ඉන්න කියන්නේ :)

    කොහොම උනත් දැන් හුරතල් පෝස්ට් ලියන්නත් දන්නවනේ අගේට.මේ මම ලෙන්චිනා නම් නෙවෙයි හැබැයි සාධාරණ මුදියන්සේලාගේ නම් තමයි. ( හැබෑට කොහොමද මගෙ වාසගම දැනගත්තේ.හැබැයි හැලප කන්ට කිය කිය හොරකොටු පනින්න ගිහින් ගුටිකන එහෙම නෙවෙයි ඔන්න. ( හික්ස්)

    ReplyDelete
  3. මොකද්ද බස්සයියෙ මේ හැලපෙ?? අනේ මටනං තේරෙන්නෙ නෑ

    ReplyDelete
  4. කොට්ටෝරුවා හැම ගහටම කොට, කොටා ගිහින් කෙහෙල් ගහට කොටපු දාට වැඩ වරදිනවා කියලා කතාවක් මම අහලා තියනවා. බස්සා මේ කියන්නේ ඒ වගේ කතාවක්ද? ඉඳලා හිටලා හැලැපයක් කොටා බානවා කියන එකේ තේරුම මොකක්ද?

    අර අහිංසකීට හැමදාම මඩ ගහනවානේ???......:D

    ReplyDelete
  5. කොලුවෝ! ඔය චෙරීස් බෙරීස් වගේ නෙමේ ඕනෙවට වඩා හැලප කෑම අගුනලු බොලන්.

    ReplyDelete
  6. // අර අහිංසකීට හැමදාම මඩ ගහනවානේ??? //

    අනිවා ඩෙෆා, වෙලාවක මූව අල්ලලා, තටු ගලවලා, සීසනින් කරලා, බාබකියු වෙන්ට අවුවෙ හිටෝලා තියෙනවා.. අපි හරි දරුණු උදවිය මෙහෙම හිටියට.. :)

    ReplyDelete
  7. අනේ අසරන, අහිංසක බකුසු පැටියා....:D

    ReplyDelete
  8. @බුරා
    කව්ද ලොක්කා ඔය සගිස්කුරුත දන්නෙ? ඔය මට ඇහිච්ච විදිහට ලිව්වා. ස්තූතියි, නොදන්න දෙයක් කියලා දුන්නාට. අර මාව BBQ කරනව නං, විනාකිරෙන් පොඟවලා ලුණු ගම්මිරිස් අතගාලා මැරිනේට් කරලම ගත්තා නං තමා වටින්නෙ :)

    @ලෙංචිනා
    වාසගම දැනං හිටියෙ නෑ, ඔය පැත්තෙ කස්ටිය වැඩිහරියක්, මුදියන්සෙලා, අදිකාරම්ල නෙව.

    @හංසකිංකිං
    අනේ නඟේ, ඔය හැලප කතාව මෙහෙමනෙ. ඔය ගමේ තාලෙට කෑම බීම ගැන තියෙන බ්ලොග් පැත්තෙ මංගච්චනවට කියන්නෙ හැලප කොටා බාන්ට යනවා කියලනෙ.

    @බටකොල ආච්චි
    අනේ ආච්චියේ උඹැගෙ දන්න ඉටිගෙඩිය. හැලප නරක නං,ඊලඟට කියයි, කැවුම් කිරිබතුත් හොඳ නෑ කියලා

    @පොකු
    කුමාරිහාමි බස්සොන්ට කැමතිද? මං සිංදු කියන්නත් දන්නවා. අර බලු කුක්කා මට පාට් දමාවිද?

    ReplyDelete
  9. ඔය කවි ලිව්වේ බස්ස කියන පොර නෙමේ, අඥාතයා.
    සුද්දෝ කවද්ද බං සිංහල කවි කිව්වේ.

    ReplyDelete
  10. @පොත් ගුල්ලා
    කොහෙද රාළේ, මේ මං ලියපු කවි කියලා තියෙන්නෙ? මේවා අපේ ජන කවි,ඇස් ගෙඩි දෙක හොඳට පිහදාලා බලපංකො , ඔය දීලා තියෙන්නෙ ලින්ක් එක? අම්මපා බොට අන්දකයිප්පු කැවිලද, මේ අඥාතයෙකුයි, සුද්දො ගැනයි කියන්නෙ?

    ReplyDelete
  11. හෆොයි, බස්සයි පොත්ගුල්ලයි දෙන්නම දෙකොණ පටලවාගෙන මරාගන්ටයි යන්නෙ.. :D

    ReplyDelete
  12. This comment has been removed by the author.

    ReplyDelete
  13. This comment has been removed by the author.

    ReplyDelete
  14. @ පොත් ගුල්ලා
    සමාවෙන්ට ඕනෙ,මට ටැපලුනා. කියල තියනෙ දේ සම්පූර්ණයෙන්ම වැරදියට නෙව තේරුනේ. ෂික්, අම්මපා වස විලි ලැජ්ජාවයි, උපන්දා හිටං ගමේ ඉස්කෝලෙ හිංගල ඉගෙන ගත්ත මට, සිංහල ප්‍රයිවෙට් ටියුටර් කෙනෙක්ගෙන් ඉගෙන ගත්ත ඈයොන්ට තේරිච්ච ටිකවත් තේරුනේ නැති හැටි. අඥාතයා -author unknown. මටත් තියෙන්නෙ මහ හුඹස් කටක්. හා, දැං උඹ මෙතන උඩ පනින්න ලෑස්තිවෙනවා එහෙන නෙමෙයි , ලෙංචිනෝ

    ReplyDelete
  15. බොට නෙමෙයි අන්දකයිප්පු කැවිල තියෙන්නෙ , මට. අම්මපා, ඒත් මං වයින් විතරමයි බිව්වෙ :)

    ReplyDelete
  16. බස්සට ටිකක් ටියුබ් ලයිට් වගේ. කමක් නෑ, පරක්කුවෙලා හරි පටලැවිල්ල ලිහාගත්තනේ.
    No වලි. අපි සාමෙන්.

    ReplyDelete

ඔබට කමෙන්ට් ලෙස, ලින්ක් සහිත පිංතූරයක්/ වෙබ් පි‍ටුවක් දැමීමට අවශ්‍ය නම් පහත වෙබ් සයිට් එකට ගොස් අදාල කෝඩ් එක කොපිකර ගන්න.
link to the code